140 otandasymyz Batýmı qalasynan Qazaqstanǵa usha almaı otyr, - dep habarlaıdy Qamshy.kz 24.kz - ke silteme jasap.

Jolaýshylar 26 tamyzda ushyp, elge oralýǵa tıis edi. Tasymaldaýshy Skybus kompanıasynyń bas dırektory Aleksandr Beloborodovtyń habarlaýynsha, reısti oryndaıtyn ushaq qurastyrylǵan kezde qatelikter bolyp, tehnıkada aqaý bar ekendigi anyqtaldy. Endi Skybus osy aqaýdy óz esebinen jóndemek. Qazir kompanıa basqa áýe kompanıalarymen ushaqty jalǵa alý jóninde kelissóz júrgizip jatyr. Biraq demalys kúnderi bankter istemegendikten, ony jaldaý múmkin emes kórinedi. Barlyq jolaýshylar qonaqúıge ornalastyryldy.

- Qonaqúıden áýejaıǵa bet aldyq. Alaıda ushaq kókke kóterilmeıdi degen habar jetti bizge. Sodan beri 2 kún ótti. Áli sebebin aıtqan joq. Týrısik operatorlardan da habar joq. Batýmıdiń jergilikti týroperatory «múmkin erteń keshke ushasyzdar» dedi. Ázirge biz qonaqúıde jatyrmyz. Ystyq tamaq berilip jatyr, - deıdi qazaqstandyq týrıs Vıtalıı Nesipbaev.

Aıta keteıik, mundaı oqıǵa tamyzdyń basynda bolǵan. 50-den astam adam Grýzıa elinen Qazaqstanǵa usha almaǵan. Batýmı-Astana jáne Batýmı- Atyraý/Aqtóbe reısteri oryndalmady.