Búgin Májiliste Palata Spıkeri Qabıbolla Jaqypovtyń tóraǵalyǵymen ótken jalpy otyrysta depýtat Svetlana Romanovskaıa Qazaqstan Respýblıkasynyń Premer-Mınıstri K.Másimovke depýtattyq saýal joldady.

«Meniń depýtattyq saýalyma Qazaqstan men Reseıdiń buqaralyq aqparat quraldarynda taratylǵan málimet sebep bolyp otyr.

Olardyń derekterine sáıkes 2014 jyldyń 7 sáýirinen bastap Reseıge Mal dárigerligi jáne fıtosanıtarıa salasyndaǵy federaldyq baqylaý-qadaǵalaý organymen Avstralıadan ákelinetin tońazytylǵan sıyr etin jetkizýge tyıym salyndy. Bul ónimniń quramynda iri qara maldyń tábetin kúsheıtetin jáne bulshyq ettiń tez ósýine baǵyttalǵan, Keden Odaǵynyń normalarymen tyıym salynǵan qýatty sıntetıkalyq steroıd - ósý gormony trenbolonnyń tabylýyna baılanysty. Sonymen qatar, Avstralıa Qazaqstan Respýblıkasynyń eń iri jetkizýshileriniń biri bolyp keledi jáne keıbir málimetter boıynsha 2013 jyly 3,5 myń. tonnany qurady.

Joǵaryda aıtylǵanǵa oraı Sizden kelesideı málimetterdi berýińizdi suraımyn:

1.            Mal soıý jáne et ónimderiniń sapasyn baqylaıtyn ýákiletti memlekettik organ týraly;

2.            Qazaqstan Respýblıkasynyń aýmaǵyna ákelinetin mal soıý jáne et ónimderine qoıylatyn qaýipsizdik talaptardyń saqtalýyn qamtamasyz etýge baǵyttalǵan ýákiletti organnyń sharalary týraly;

3.            Importtalatyn ettiń quramynan qaýipti jáne tyıym salynǵan mal dárigerlik dári-dármektiń, maldyń ósýin tezdetetin yntalandyrýshylardyń, sonyń ishinde trenbolon gormonynyń qaldyqtaryn tabýǵa múmkindigi bar Qazaqstan Respýblıkasynda tirkeýden ótken jáne atestattalǵan zerthanalardyń tizimi;

4.            2013 jyly Qazaqstan Respýblıkasynyń aýmaǵyna et ákelimi kezinde (sonyń ishinde Avstralıadan) Keden odaǵynyń tehnıkalyq reglamentteri talaptarynyń buzylý faktileri jáne onyń odan ári satylýyn boldyrmaý maqsatynda jasalǵan is-áreketter týraly.»

Sáýle Dosjanova