Búgin ál-Farabı atyndaǵy Qazaq Ulttyq ýnıversıtetinde stýdentter men túlekterdiń «Máńgilik el» saltanatty qaqpasy» men Dmıtrıı Balandın atyndaǵy jańa júzý baseıniniń ashylý rásimi ótedi, - dep habarlaıdy Qamshy.kz.
Saltanatty jıynǵa Almaty qalasynyń ákimi B.Baıbek, QazUÝ rektory Ǵ.Mutanov, JOO túlekter asosıasıasynyń prezıdıým músheleri, stýdentter men oqytýshylar, qoǵamdyq uıymdar men BAQ ókilderi qatysady. Sonymen qatar is-sharaǵa QazUÝ stýdentteri, Olımpıada chempıondary men júldegerleri D.Balandın, E.Smetov pen E.Syzdyqova qatyspaq.
Saltanatty qaqpa Qazaqstan Respýblıkasynyń tuńǵysh Prezıdenti, ult kóshbasshysy Nursultan Ábishuly Nazarbaevtyń «Máńgilik el» ıdeıasyn beınelep turatyn QazUÝ qalashyǵy jańa arhıtektýralyq kesheniniń negizi bóligi.
QazUÝ qalashyǵy aýmaǵyndaǵy arhıtektýralyq jobany qurý ıdeıasy QazUÝ-dyń úzdik túlekterine tıesili. Al jobanyń qurylysy sol azamattardyń erikti salymdary negizinde júzege asty.
Stýdentter men túlekter qaqpasynyń ashylýy – 19:45, QazUÝ qalashyǵynyń ortalyq alańy (Tımırázev kósh. «QazUÝ qalashyǵy» aıaldamasy).
Osy keshte júzýden alǵashqy Olımpıada chempıony Dmıtrıı Balandın atyndaǵy jańa 25 metrlik júzý baseıniniń saltanatty ashylý rásimi ótedi. Balandın atyndaǵy júzý baseıniniń ashylý rásimi – 20:30, sport kesheniniń aýmaǵy.
Aldaǵy ýaqytta júzý baseıni stýdentterdiń ıgiligine qyzmet etpek. Sonymen qatar sport kesheninde sınhrondy júzýden QazUÝ quramasynyń jattyǵýlary men sportshylardy aımaqtyq, ulttyq jáne halyqaralyq jarystarǵa daıyndaý jumystary júrgizilip, ýnıversıtetter arasyndaǵy sporttyq jarystar uıymdastyrylatyn bolady. Saltanatty is-sharada Almaty qalasy balalar men jasóspirimderdiń júzýden sport mektebiniń tárbıelenýshileri arasynda Olımpıada chempıony júldesine jarys ótedi.
