Belgili  saıasattanýshy Aıdos Sarym  daý  týdyrǵan «Ańyz adam» jýrnaly týraly  utymdy  oılar  aıtty. Onyń  pikirinshe,  qazaq halqynyń  Gıtlerdi jáne  onyń  saıasatynyń  saldaryn  talqylaǵanynda turǵan ne  bar? Jáne:  «1986 jyly  qazaqty «shekten  shyqqan  nasıonalızst» dep  kinálasa, endi  múmkin «shekteýsiz fashızm»  dep aıyptaıtyn shyǵar», -  deıdi  A. Sarym.

   Saıasattanýshy Facebook paraqshasynda  óziniń  «Ańyz adam»  jýrnalynyń Gıtlerge  arnalǵan  nómirin muqıat oqyp shyqqanyn  jáne  aqylǵa  qonymsyz deıtin eshteńe tappaǵanyn jazady: «Redaksıa Gıtlerdiń  ıdeıalaryn nasıhattap  otyrǵan joq, ásireultshyldyqty  men baıqamadym.   Qazaqtar Gıtlerdiń kim  bolǵanyn talqylaı  almaıdy nemese  talqylaýlaryna  bolmaıdy dep  kim aıtty? Onyń  Stalınnen aıyrmashylyǵy  qandaı? Gıtler  saıasatynyń  saldarynan  qanshama  adam  qaza tapty.  Redaksıanyń nómirdi  satylymnan alyp tastaýy  beker-aq boldy. Eger keń túsinikte  alyp  qarasaq, tyrnaq  astynan kir izdeýdiń  keregi joq. Bizdiń dúkenderde Reseı baspalary shyǵarǵan Mýsolını men Gebbelstiń kitaptary  ashyq,  zańdy túrde  satalýda. Ǵalamtordan "Maın Kampfty" erkin  júktep  alýǵa, «Lenı Rıfenshtal» fılmin  kórýge  bolady. Qaı  orystildi  jýrnalıs  buǵan kiná taqty. Qanshama "jarymester" Lımonov,  Jırınovskıı sekildi fashısik uranmen shyqqanda únsiz qaldy, tipti  aqtaýǵa  tyrysty. Kim  qarsy  boldy?», - deıdi sarapshy.

Sonymen  qatar, orystildi aqparat keńistiginde  Gıtler týraly aqparattyń nópir ekenin  jazady: «Orystildi Gýgl  izdeý júıesi Gıtler tegine  1 mıllıona 300 myńnan astap  aqparat  taýyp berdi. Iandeks te  sol shamalas. Eger jýrnaldy  japqylary kelse,  birinshi  sol siltemelerdiń  kózin  joısyn!»

Aıdos Sarym «Ańyz adam»  jýrnalynyń  bas  redaktory Jarylqap Qalybaıdy negizsiz aıyptap,  abyroıyna nuqsan keltirgenderge  qatysty  sotqa shaǵymdanýyna bolatynyn aıta ketti:  «Taǵy  bir  eskererlik  jaıt, jýrnal  - bul bıznes. Eger satyp alǵyńyz  kelse,  - almańyz! Olar daýryqpaı, satyp  almaýǵa úgittesin!  Qıt etken  nársege  «shashtaryn  jula  bermesin». Shyntýaıtyna  kelgende,  Jarylqap Qalybaıdyń  ózi  basylymdy  jáne  onyń abyroıyna  nuqsan keltirgen  adamdardy  sotqa  berýine  bolady. Ári qaraı óz jumysyn jalǵastyra  bersin. Orystildi  basylymdardyń jazýyna qaraǵanda, jýrnaldyń taralymy  esh zardap shekpeıdi».

Sóz  sońynda: «Biz ázer baılanysyp turǵan eki  álemde ómir  súrip otyrmyz. Qazaq redaktorlarynyń  bárimen sóılestim, olar  da soraqy  eshteńe  tappaǵan. Bul  kóp  jaıtty  ańǵartady. Bul jerde eki baılam  bar: áldekimder  «RTR» men  teledıdardan «qyzyp» ketken nemese  1986 jyly  bar qazaq ultyn «shekten  shyqqan  nasıanalıst» dep  kinálasa, endi  múmkin «shekteýsiz fashızm»  dep aıyptasyn!"

Aıta keteıik,  «Juldyzdar  otbasy. Ańyz adam» jýrnalynyń sáýir aıyndaǵy sany Adolf Gıtlerge  arnalǵany úshin «áleýmettik,  ulttyq,  rýlyq, násildik  nemese dinı   arazdyqty  qozdyrý» faktisi  boıynsha jaýapqa tartylýy múmkin. Osyǵan baılanysty qoǵamda biraz shý  týyndap  otyr.

«Ańyz adam» jýrnalynyń  aılyq tarapymy 25200. Sońǵy sany satylymnan shyǵaryldy.