Almatyda 26 sáýir kúni Qazaqstan halqynyń birligi kúni qurmetine velosherý ótedi.

Velosıped jarysy ál-Farabı dańǵyly men Táttimbet kóshesiniń qıylysynan saǵat 08.30-da bastalady. Jarysqa qatysýshylar jarty saǵat buryn kelip jınalýy tıis. Qazaqstan halqynyń birligi kúnine arnalǵan velosherý QR Tuńǵysh Prezıdenti atyndaǵy saıabaqta márege jetedi. Jeńimpazdarǵa estelik syılyqtar tabys etiledi. Jarysty uıymdastyrýshylar - Almaty ákimdigi men "Almaty Ýnıversıadasy - 2017" Atqarý dıreksıasy" memlekettik qory. Velosherýge ádettegideı qala ákimi Ahmetjan Esimov te qatysady.

1 Mamyr - Qazaqstan halqynyń birligi kúni 1996 jyldan beri toılanady. QR Prezıdenti Nursultan Nazarbaev bul kúndi merekeleý týraly jarlyqqa 1995 jyldyń 18 qazanynda qol qoıǵan. Aıta keteıik, bıyl bul meıramda qazaqstandyqtar mamyrdyń 1-inen 3-ine deıin demalady. Odan keıin Otan qorǵaýshy kúni men Jeńis kúni qurmetine otandastarymyz taǵy tórt kún demalatyn bolady. tengrinews.kz