Q. Jaqypov Marokko Koróldigi Parlamenti keńesshiler Palatasynyń spıkerimen parlamentaralyq yntymaqtastyq máselelerin talqylady
Májilis Tóraǵasy Qabıbolla Jaqypov Marokko Koróldigi Parlamenti keńesshiler Palatasynyń spıkeri Mýhammad Ash-SHeıh Bıadıllamen kezdesti.
Qabıbolla Jaqypovtyń atap ótkenindeı, Marokko Qazaqstannyń Soltústik Afrıkadaǵy mańyzdy áriptesteriniń biri.
- Sondyqtan biz Islam Yntymaqtastyq uıymy, Ekonomıkalyq Yntymaqtastyq uıymy sıaqty basqa da keńestik-jınalystyq tetikter men aımaqtyq ınstıtýttar aıasynda birlesken kúshimizdi odan ári úılestirýdi tolyqtaı qoldaımyz,-dedi Májilis Tóraǵasy.
Osy rette Qabıbolla Jaqypov Qazaqstan Prezıdenti Nursultan Nazarbaev saıasatynyń basym baǵyttarynyń biri – ultaralyq kelisim, beıbitshilik jáne toleranttylyq ustanymdarynyń mańyzdylyǵy men ózektiligine basa nazar aýdardy.
Óz kezeginde Mýhammad Ash-SHeıh Bıadılla Marokko Nursultan Nazarbaevtyń basshylyǵynyń arqasynda qol jetkizgen Qazaqstan tabystaryn jaqsy biletinin jáne joǵary baǵalaıtynyn tilge tıek etti. Jáne Elbasynyń «Qazaqstan - 2050» Strategıasy aıryqsha qyzyǵýshylyq týdyratynyn atap ótti.
Taraptar sondaı-aq, Astanada ótetin «EKSPO-2017» kórmesine daıyndyq máselelerine de kóńil bóldi.
Májilis Spıkeri kórmeniń «Bolashaq energıasy» dep atalatyn ataýynyń ózi energıa jetispýshiligi men ekologıalyq qaýiptiń ǵalamdyq máselelerin sheshýge yqpal etse, «EKSPO - 2017» energetıka salasyndaǵy jańa jetistikterdi pash etýdiń zor múmkindigine aınalatynyn senimmen aıta kelip:
- Bul kórmege marokkondyq áriptesterimizdiń de belsene qatysatyny sózsiz. Bizdi Marokko Parlamentiniń «jasyl ekonomıka» qaǵıdatyna kóshýdi zańnamalyq qamtamasyz etý jolynda atqaryp jatqan jumystary qyzyqtyrady, -dedi.
Qabıbolla Jaqypov pen Mýhammad Ash-SHeıh Bıadılla parlamentaralyq yqpaldastyq jaǵdaıyn sóz ete kelip, beıindi komıtetter men yntymaqtastyq jónindegi toptar arasyndaǵy turaqty is-qımyl ekijaqty qarym-qatynasty odan ári nyǵaıtýǵa yqpal etetindigin jetkizdi.
parlam.kz
