Qaznet tarıhyndaǵy eń iri kelisim jasaldy

«Berıng Vostok»  jetekshi ınvestısıalyq qory «Kolósa» kompanıasyna $15 mıllıon ınvestısıa salady.

Búgin «Kolósa» JSHS «Berıng Vostok»  qorynyń  $15 mıllıon kóleminde ınvestısıa salǵany jáne www.market.kz  jańa jobasynyń iske qosylǵany týraly habarlady.

– Bul qazaqstandyq ınternet tarıhyndaǵy eń úlken kelisim, - deıdi «Kolósa» JSHS Baqylaýshylar Keńesiniń Tóraǵasy Mıhaıl Lomtadze. -«Berıng Vostok» qorlarynda Iandeks, Ozon jáne Avıto sıaqty tanymal ınternet kompanıalarǵa ınvestısá salýdyń asa tabysty tájirıbesi bar. «Berıng Vostok» syndy halyqaralyq ınvestordyń kelýimen bizdiń kompanıa úshin damý men naryqtyq pozısıasyn keńeıtýge úlken múmkindikter ashylady.

Eske sala keteıik,«Kolósa» JSHS Qazaqstandaǵy avtokólik pen jyljymaıtyn múlikti satý-satyp alý týraly jeke jarnamalardy ornalastyrý men jarıalaý boıynsha kóshbasshy. Buǵan deıin kompanıa ıeleginde www.kolesa.kz, www.krisha.kz  saıttary bolǵan edi. «Kolósa»JSHS dırektory Nıkolaı Babeshkınniń aıtýynsha,  jańa qosylǵan www.market.kz   saıty qazaqstandyqtarǵa kez-kelgen taýardy satýǵa, satyp alýǵa múmkindik beredi. «Bizge salynǵan ınvestısıany saıtty damytýǵa jumsamaqpyz. Jýyq arada naryqty birinshi bolý basty maqsatymyz» dep atap óqtti ol búgingi baspasóz máslıhatynda.

www.kolesa.kz jáne www.krisha.kz saıttary 2006 jyldyń kókteminde iske qosylǵan. Qazirgi kezde www.kolesa.kz Qazaqstanda avtokólik saýdasy týraly habarlandyrýlardyń №1 saıty, al www.krisha.kz jyljymaıtyn múlik boıynsha Qazaqstanda №1. Ótken jyldyń basynda kompanıany Mıhaıl Lomtadze men Vácheslav Kım satyp alǵan edi.