2014 jylǵy 1 qyrkúıekten bastap «Almaty – Dýbaı» baǵyty boıynsha aptasyna 11 reıs ushatyn bolady: «Eır Astana» avıakompanıasy aptasyna 7 ret ushsa, «Flaı Dýbaı» arab áýe tasymaldaýshysy 4 reıs jasaıtyn boldy.

«Qazaqstannan Dýbaıǵa ushý 2010 jyldyń qazanynda toqtatylǵan, sebebi – Dýbaıdyń avıasıalyq bılikteri ruqsat bermeı qoıdy. Sondyqtan, «Eır Astana» Abý-Dabıge turaqty reıster jasaı bastady. Kólik jáne komýnıkasıa mınıstrligi men avıakompanıalar arab áriptesterimen «Almaty – Dýbaı» reısin qaıta jańǵyrtý jóninde kelissózderdi shırata tústi. Sóıtip, kóptegen kezdesýler arqasynda oń nátıjege qol jetkizdik. Endi qazaqstandyqtar kóńilderi qalaǵan kýrorttarǵa eki qaladan da usha alady, ıaǵnı Almatydan Dýbaıǵa jáne Astanadan Abý-Dabıge», – dep málimdedi QR KKM Azamattyq avıasıa komıteti tóraǵasynyń orynbasary Talǵat Lastaev.