Ózbekstan prezıdenti mindetin ýaqytsha atqarýshy Shavkat Mırzıeev Djızak qalasynyń basshysyn jáne Djızak oblysynyń keıbir aýdandarynyń basshylaryn jumystan shyǵardy. Bul týraly respýblıka prezıdentiniń saıtynda habarlanyp otyr,- dep habarlaıdy Qamshy.kz Tenrginews.kz-ke silteme jasap.

Mırzıeev 16 qyrkúıekte júzege asyrylyp jatqan áleýmettik-ekonomıkalyq reformalardyń barysymen tanysý maqsatynda Djızak oblysyna barǵan. "Sol kúni Djızak qalalyq halyq depýtattarynyń keńesi ótti. Onda jumystaǵy shalalyqtary úshin Djızak qalasynyń hokımi Asror Kobılov qyzmetinen ketti. Mırzıeev Abdýkahhar Týhtaevty ákim etip taǵaıyndady", - delingen habarlamada.  

Sonymen qatar, prezıdenttiń baspasóz qyzmetindegilerdiń málimetinshe, qyzmettegi qatelikteri men shalalyqtary úshin Djızak oblysynyń prokýrory, sonymen qatar, birqatar aýdannyń hokımderi jumystan shyǵarylypty. Olardyń ornyna jańa sheneýnikter taǵaıyndalyp ta qoıypty. 

Eske salaıyq, 2 qyrkúıekte 78 jasynda Ózbekstan prezıdenti Islam Karımov qaıtys bolǵan edi. Keıin Ózbekstan premer-mınıstri Shavkat Mırzıeev Ózbekstan prezıdentiniń mindetin ýaqytqa atqarýshy bolyp taǵaıyndaldy.