Túrkıada 300-ge jýyq adamnyń ómirin qıǵan apat bolǵan shahtada bir qazaq jigiti jumys isteıdi eken. Qandasymyzben osy eldegi Ulttyq arnanyńmenshikti tilshisi suhbattasty. 

Al, shahterlardy qutqarý operasıasy áli jalǵasyp jatyr. Búgin bılik ókilderi jer astynda qalyp qoıǵandar týraly alǵash ret málimet taratty.

Shahtanyń ishinde áli 20-ǵa jýyq adam bar. Sondyqtan, qaza bolǵandardyń sany 300-den asýy múmkin. Túrkıa bıliginiń alǵashqy taratqan málimdemesi - osyndaı. Alaıda, kenshiler bul kórsetkish odan da kóp, dep otyr. Abdýllah Tekman - Túrkıadaǵy qandasymyz. Jarylys bolǵan shahtada kenshi bolyp jumys isteıdi. Sol kúni densaýlyǵyna baılanysty kezekshilikke shyqpaǵan. Jalǵyz ózi úıine qaıtypty. Al, qasyndaǵy 25 serigi osy apttan qaza tapty. Kensh Abdýllah Tekman osydan 15 kún buryn shahtada bas barmaǵymdy qystyryp alǵan eken. «Dáriger maǵan emdelýge 7 kún ýaqyt berdi. Jarylystan bir kún buryn keldim. Dáriger qaıtadan 10 kúnge qaıtaryp jiberdi. Erteńinde túnde jarylys bolypty», - deıdi bir ajaldan aman qalǵan qandasymyz. «Qaza bolǵandardyń otbasyna jan-jaqtan kómek kórsetilip jatyr. Búgin bilim mınıstrliginiń qory marqumdardyń balalaryn tegin oqytý týraly sheshim qabyldady. Sondaı-aq, eldiń atatqy fýtbolshylary, ánshileri tipti birqatar sheteldik juldyzdar shańyraǵy shaıqalǵan januıalarǵa aqshalaı kómek kórsetýde»,- deıdi «Qazaqstan» telearnasynyń tilshisi Baqytjan Omar.

QazAqparat