Oqýshylar dástúrli emes dinderdi jaqtaýshylardyń qurbany boldy. Qysymǵa ushyraǵan eki kámelettik jasqa tolmaǵan oqýshylar Reseıde jıhad jasaýǵa kelisken. Bul týraly inform.kz habarlap otyr.

Aqtóbe oblysynyń mamandandyrylǵan aýdanaralyq sotynyń qylmystyq ister boıynsha terrorıstıkalyq top quryp, nasıhattaýmen aınalysyp, dinı shıelenis týǵyzdy degen aıyppen  jeti aqtóbelikke qarsy qylmystyq is qozǵaldy. Olardyń ishinde eki oqýshy bolǵan.

Olardyń «emıry» bolyp dinı ekstremızmniń sheteldik ýaǵyzdaýshylaryn qoldaıtyn  Aqtóbe turǵyny  Qudaıbergenov taǵaıyndalǵan. Ol Reseı Federasıasynyń turǵyndary men quqyq qorǵaý organdarynyń qyzmetkerlerine qarsy «qasıetti soǵystyń» arandatýshysy boldy.

İs-qımyl strategıasyn ázirleý úshin olar Aqtóbede 2016 jyldyń jazynda jalǵa alynǵan páterlerde kezdesý uıymdastyryp júrgen. Sondaı sheshimderdiń biri – 16 kalıbrli ańshylyq myltyǵyn Reseıge ózderimen birge alyp ketý bolǵan.

«Sotta anyqtalǵandaı, terrorıstıkalyq topty uıymdastyrý úshin olar Aqtóbeniń mektepteriniń birinde kezdesý uıymdastyrǵan. Onyń seriktesteri eki kámeletke tolmaǵan oqýshyny ertip kelgen – Sábıtova men Jalǵas. Olar terrorıstıkalyq topqa múshe bolýǵa kelisim bergen. Qudaıbergenov Reseı shekarasynda adam kóp jınalatyn oryndarda, qoǵamdyq oryndarda, túngi klýbta, saýda ortalyqtarynda terakt jasaýǵa josparlaǵan», – dep aıtyldy sotta.

Terrorıster «komandasyna» jańa múshelerdi áleýmettik jelilerden izdep otyrǵan. «Vkontakte»  áleýmettik jelisiniń kómegimen olar dinı terorızmdy nasıhattaýmen aınalysqan. Jıhadqa shaqyratyn radıkaldy jáne ekstremıstik sıpattaǵy materıaldardy júktep otyrǵan.

«Emır» radıkaldary men onyń serikteri 2016 jyldyń tamyz aıynyń sońynda ustaldy. Olarmen birge joǵaryda atalǵan mektep oqýshylary da ustalǵan. Qudaıbergenov  toǵyz jylǵa bas bostandyǵynan aıyryldy. Onyń tórt seriktesi 6 jyldan 9 jylǵa sottaldy. Al, kámelettik jasqa tolmaǵan Sábıtov pen Jalǵas túzeý mekemesinde alty jyldan jazasyn óteıtin bolady.