Forbes Kazakhstan jýrnaly tórtinshi jyl qatarynan «Jyl kásipkerin» tańdady. Aldyńǵy jyldary atalmysh nomınasıany Bolat Ótemuratov, Serjan Jumashev, Nurlan Smaǵulov esimdi kásipkerler jeńip alǵan. Ár jyly tańdalyp alynǵan kásipker oqyrmandar arasynda qyzý talqyǵa túsedi.

Kóptegen kásipker úshin 2016 jyl ońaı soqpady. Desek te, «Jyl kásipkeri» atanýǵa úsh úmitker tańdaldy. Nátıjesinde Forbes Kazakhstan  jýrnaly  developer BI Group-tiń basshysy Aıdyn Rahymbaevty tańdap aldy dep habarlaıdy forbes.kz. Ol Qazaqstannyń qurylysshylar  Qaýymdasytyǵy keńesiniń tóraǵasy, kásipkerler Keńesiniń múshesi bolyp tabylady.

Ótken jyly BI Group rekordti kórsetkishtegi páter tapsyrdy. Atalmysh kompanıanyń ótken jyly salǵan barlyq páterdiń aýmaǵy 1 mıllıon sharshy shaqyrymǵa jýyqtady. Osylaısha álemdegi eń iri kompanıalardyń tizimine kirdi. Topta TSHO men iri kontraktige otyrǵan jańa BI Engineering holdıńi ashyldy. Sonymen qatar, kompanıa 130 sharshy shaqyrym jolǵa beton tósedi.

Rahymbaev – «Analar úıi» qaıyrymdylyq jobasyn qurý ıdeıasyn usynǵan jáne onyń qamqorlyq keńesiniń tóraǵasy bolyp tabylady. Al 2016 jyldyń sońynda óziniń jańa «Qazaqstannyń laıyqty azamaty» jobasynyń jeńimpazyna páter kiltin tabys etti.

Aıdyn Rahymbaev tek kásipker ǵana emes, joǵary deńgeıli sportshy, Astana Motorsport klýbynyń úzdik ondyǵyna kiretin ushqysh jáne Ironman trıatlony boıynsha halyqaralyq jarystyń qatysýshysy.

Qazaqstannyń eń baı kásipkerleriniń biri Aıdyn Rahymbaevtyń 2012 jyldan bergi qarjylyq jaǵdaıy:

Qazaqstannyń eń dáýletti 50 kásipkerdiń reıtıńisi (mamyr 2016 jyl)

$280 000 000                  

Qazaqstannyń eń dáýletti 50 kásipkerdiń reıtıńisi (mamyr 2015 jyl)

$325 000 000

Qazaqstannyń eń dáýletti 50 kásipkerdiń reıtıńisi (mamyr 2014 jyl)

$280 000 000          

Qazaqstannyń eń dáýletti 50 kásipkerdiń reıtıńisi (mamyr 2013 jyl)

$245 000 000

Qazaqstannyń eń dáýletti 50 kásipkerdiń reıtıńisi (mamyr 2012 jyl)

$200 000 000.