Búgin Atyraý oblysynyń Qulsary qalasynda terrorlyq top retinde birneshe tulǵa anyqtalyp, tártip saqshylary tarapynan olardy zalalsyzdandyrý operasıasy júrgizilgen bolatyn. Quqyq qorǵaýshylar kúdiktilerge qarsy qandaı da bir áreket bastamaı jatyp-aq páterge bekingen birneshe adam terezeden oq atyp, jarylǵysh zattardy paıdalanǵan. Saldarynan bir qyzmetker jaralandy.
Elimizdiń Bas prokýratýrasy taratqan málimetke qaraǵanda, operasıa sátti aıaqtalǵan. Beıbit turǵyndar men quqyq qorǵaýshylardyń arasynda adam shyǵyny joq. Al, polıseılerge oq jaýdyrǵan toptyń bir múshesinen basqasynyń báriniń, ıaǵnı bes adamnyń kózi joıyldy. Altynshysy aýyr jaraqattarmen aýrýhanaǵa jetkizilgen.
Qazirgi tańda oqıǵa oryn alǵan jerdi tekserý jumystary júrip jatyr. Tergeý jáne kúdiktilerdiń sybaılastaryn izdeý sharalary qosa atqarylýda.
Qamshy silteıdi: www.baq.kz
Pikir qaldyrý