Fotograf Mehmet Gench álemdi aralap, túrli eldiń áıelderin maqtaý sózin aıtqanǵa deıin jáne keıinge beınesin fotoǵa túsiredi dep jazady bbc.com.
Eki jyl buryn túrik fotografy Mehmet Gench Latyn Amerıka elderin aralap, jańa joba jasady.
2015 jyldyń qańtar aıynda ol meksıkalyq San-Krıstobal-de-las-Kasas mýnısıpalıtetinde boldy. Modelge ózin erkin sezinýi úshin kúlimsireýin ótindi. Alaıda, ol shynaıy shyqpady. Sol kezde fotograf ony «Sen sulýsyń» dedi. Osydan keıin sýret shynaıy shyqty. Fotograf «Sen sulýsyń» jobasymen jumys isteýdi uıǵardy.
Gench áli de álemdi aralap, jobasy boıysha jumysyn jalǵastyrýda. 2017 jyldyń qazan aıynda «Sen sulýsyń» jobasyn aıaqtaýdy josparlap otyr.
Genchtiń saıtqa jarıalaǵan fotosýretterinen qarapaıym sóz adamǵa qalaı áser etýi múmkin ekenin kóre alasyz.
Matıldaǵa (Gvatemala) Gench kúlimsireýin ótingende ol «Meniń tisim joq, ótinemin meni kúlýge májbúrlemeńizshi» degen eken.
Alaıda, ony sulý dep ataǵanda ol tisi týraly múlde oılamady da. «Biz kóp kúldik. Bul jaǵymdy sátterdiń biri boldy. Matıldanyń fotosýretteri meniń eń súıikti sýretterimniń biri» deıdi Gench.
Margarıta Ekvadordyń Otavalo qalasynda dalada jemis-jıdek satyp turdy. Gench odan kóp taýar satyp alǵanna keıin, ol fotoǵa túsirýine kelisimin berdi.
Genchtiń kúlimsireý týraly ótinishi óz nátıjesin bermese de, «Sen sulýsyń» sózi onyń shynaıy kúlkisine sebepker boldy.
Kolýmbıanyń óte shalǵaıda ornalasqan Serra-Nevada-de-Santa-Marta Zarekkım jerinde tek arýako tilinde sóıleıdi.
Bul aýylǵa kelgennen keıin Gench arýaka tilinde «Sen ádemisiń» sózin qalaı aıtý kerektigin úırenip aldy. Osy kútpegen sózdi estigennen keıin Zarekkım kúlimdeı bastady.
Hýlıannamen Gench Kolýmbıanyń soltústiginde ornalasqan aýylda tanysty.
Bul jer óte qurǵaq. Keıbir aılarda jańbyr múlde jaýmaıdy. Sondyqtan Hýlıana kúnnen saqtaný úshin betin arnaıy bet perdemen búrkep alǵan.
Ol qolóner satyp turǵan. Genchtiń maqtaý sózi onyń kúlimsireýine sebepker boldy.
Marýbo taıpasynyń ókili Meto Brazılıanyń Amazonıa shtatynda turady. Ol da tek óz ana tilinde ǵana sóıleıdi.
Fotograf birneshe sálemdesý sózderi men óziniń maqtaý sózin úırenip aldy. «Sen sulýsyń» sózinen keıin Metonyń shynaıy kúlkisine kýá bolasyz.
Mımba men Maııa da brazılıalyq marýbo taıpasynyń ókilderi. Mımba óte uıalshyq. Gench tek ekinshi kúni ǵana fotoǵa túsirýge ruqsat aldy.
Ol «Sen sulýsyń» sózin esstigennen keıin ózin erkin sezine bastady.
Áltena óz úıiniń oń qanatynda otyrdy.
Gench onyń jyly shyraıly dep eske alady. Fotograf oǵan «Sen sulýsyń» degennen keıin, Áltena kúlimdep qoıa berdi.
Kosmıta Atalaııa-do-Norteniń taǵy bir turǵyny. Genchtyń maqtaý sózi oǵan qalaı áser etkenin qarańyz.
«Eshbirine «Sen sulýsyń» sózi dál bylaı áser etpegen» dep eske alady fotograf.
