Belgili prodúser Baıan Esentaevanyń qyzy Aısáýle Baqytbek anasynyń ekinshi ret turmysqa shyǵýyna qatysty kózqarasyn 31 arnanyń "Aıta bersin" baǵdarlamasynda jaıyp saldy.

Aısáýle ózine qatysty aıtqan syndardy qabyldaı almaıtynyn jetkizdi.

"Adamdar meni "ata-anańnyń ómirinde bolyp jatqan oqıǵalarǵa beı-jaı qaraısyń" dep aıyptaıdy. Men túsinbeımin, sonda ne isteýim kerek? El aldyna shyǵyp jylaýym kerek pe, álde ızolátordyń aldyna baryp, sol jerde sýretke túseıin be? Elge ómirińde bolyp jatqan nárselerdiń bárin kórsetýdi jón sanamaımyn. Biraz ýaqyt kerek. Bári ornyna keledi. Adamdar erte me, kesh pe barlyǵyn túsinedi dep oılaımyn", - dedi Aısáýle.

Aısáýleniń aıtýynsha, anasynyń ekinshi ret turmys qurýyna qarsy emes, tek anasynyń baqytty bolǵanyn qalaıdy.

"Bul keremet emes pe? Men qýanyshtymyn. Anamnyń da, ákemniń de baqytty bolǵanyn qalaımyn. Olar birge baqytty ma, álde bólek pe – ol mańyzdy emes", - dedi aǵynan jarylǵan Aısáýle.

Esterińizge salsaq, jýyrda Baıan Maqsatqyzy almatylyq kásipker Tursynǵalı Alagózovtiń úılený týraly usynysyn qabyldaǵan bolatyn. Aıtýlarynsha, olar úılený toıyn kóktemge josparlap otyr.