Sońǵy ýaqytta áleýmettik jeli qoldanýshylaryn shýlatyp, biraz talqyǵa túsken "sınıı kıt, tıhıı dom" atty oıyn halyqty biraz shýlatqan edi. Atalmysh oıynǵa jasóspirimderdiń qyzyǵýshylyǵy artyp, 180 Qazaqstandyq qatysyp júr degen málimet taraǵan bolatyn.
5-tv.ru portalynda habarlanǵandaı, atalmysh oıyndy uıymdastyryp, jasóspirimderdiń sanasyn ýlap, óz-ózine qol jumsaýǵa úgittegen, aqyr sońynda meken-jaıyn taýyp alyp týystaryńdy óltiremin dep qorqytqan azamat 2016 jylda qolǵa túsken edi, dep habarlaıdy "Qamshy".
Derekkózde kórsetilgendeı, ustalǵan reseılik azamat - Fılıpp Býdeıkın. Ol 15 jasóspirimniń ólimine sebepshi bolǵan, sonymen qatar, jasóspirimderdi óz-ózine qol jumsaýǵa ıtermeledi dep aıyptalǵan bolatyn. Tártip saqshylary ony ustaǵan sátte ol dıvannyń astyna tyǵylyp, qarsylyq bildirgen.
Tergeý jumysy barysynda Fılıpp Býdeıkınniń Vkontakte jelisinde jasóspirimderdi óz-ózine qol jumsaýǵa úgitteıtin jabyq top ashyp, psıhologıalyq turǵydan álsiz jastardy jınaǵan. Topta negatıvti kóńil-kúı men ólim nasıhattalyp, keıinnen kezeń-kezeńimen tapsyrma berip otyrǵan.
Alaıda, atalmysh oıyn taǵy da bastaldy dep jastar shýasqan edi, keıbireýleri, tipti, alǵashqy kezeńniń tapsyrmasyn alyp ta úlgergen. Alaıda, tańerteń ǵana ashylyp turǵan sýısıdke shaqyratyn top jabylyp qalǵan.
