Reseı azamatyn Ózbekstan azamatshasyn jynystyq quldyqta ustady degen kúdikpen ýaqytsha ustaý ızolátoryna eki aıǵa qamady dep habarlaıdy ratel.kz.

«Kúdiktige qatysty eki aıǵa qamaýǵa alý týraly sheshim shyqty» deıdi Qazybek aýdandyq №1 Qaraǵandy sotynyń baspasóz qyzmeti.  

Reseılik  QR qylmystyq kodeksiniń 128 baby boıynsha, ıaǵnı «Adam saýdasy» jáne QK 149 baby «Turǵyn úıge qolsuǵylmaýshylyqty buzý» boıynsha aıyptalyp otyr.

İs materıalynda ózbekstandyq qyzdyń Qazaqstanǵa aqsha tabý maqsatynda kelip, jynystyq quldyqqa tap bolǵany jazylǵan. Onyń barlyq qujattaryn tartyp alyp, Almatydaǵy jaldamaly páterde ustaǵan. Qyzdyń  taǵdyryn 28 jasar Reseı azamaty sheship otyrdy. Almatyda ol birneshe aı boıy jezókshe bolyp jumys istegen. Odan keıin Reseı azamaty ony qaraǵandylyq jeńgetaılarǵa satyp jibergen eken. Sommasy aıtylmady. Ózbekstan azamatshasyn Qaraǵandy oblystyq ishki ister departamentiniń polıseıleri bosatty.

İİD baspasóz qyzmetiniń málimetinshe, uıymdasqan qylmyspen kúres basqaramasynyń qyzmetkerleri tutqyn áıeldi jynystyq quldyqtan bosatyp, RF azamatyn ustady. Odan bólek jeńgetaılyq jáne adam saýdalady degen kúdikpen 37 jasar Qaraǵandy turǵyny men 30 jasar Shahtınsk qalasynyń týmasy ustaldy.