Belarýsıa prezıdenti Aleksandr Lýkashenko Ýkraına men Reseı arasyndaǵy jaǵdaılarǵa qatysty óz pikirin bildirip, Belarýsıa da Ýkraınanyń kebin kıedi degenderge jaýap berdi.

"Men Ýkraına men Reseı arasyndaǵy bolyp jatqan oqıǵalarǵa óte saq qaraımyn. Sender ol jaıynda óte kóp jazasyńdar. Aldynda bolǵan pres-konferensıalardyń birinde reseılik jýrnalıser "Siz bul jaǵdaılardan qorqasyz ba?" degen saýaldar qoıyp, ábden mazamdy alǵan bolatyn", - dep málimdedi Lýkashenko.

"Taǵy da aıta keteıin, biz Reseımen ózimiz qalaǵan kezde soǵysamyz. Sebebi, Reseı eshqashan da Belarýsıamen soǵyspaıdy. Birinshiden, bul nárse múldem kerek emes; ekinshiden, mundaı jaǵdaı bola qalsa, Reseıge ol tek keri áserin tıgizedi. Mundaı soǵystan Reseıdiń ózi zardap shegedi", - dep sózderin nyq ári ózine senimdi túrde jetkizdi. Sonymen qatar óz sózinde Lýkashenko Ýkraına men Reseı arasyndaǵy qaqtyǵystardy jaza otyryp, bir shetin Belarýsıaǵa tıgizetinderdi synap, olarǵa óz jaýabyn aıtty: "Men eshqashan da bizdiń mártebemizdi túsirýine jol bermeımin. Jáne de Reseı bizdi egemendigimizden aıyrady degen máseleni kótergen emes. Sebebi, Belarýsıa - qazirgi tańda Reseıdiń adal, senimdi seriktesi bolyp qalǵan jalǵyz memleket"