Aǵymdaǵy jylǵy 17 aqpan kúni Abaı atyndaǵy Qazaq ulttyq pedagogıkalyq ýnıversıtetiniń Sorbonna – Qazaqstan ınstıtýtynda «Qazaqstannyń úshinshi jańǵyrýy: jahandyq básekege qabilettilik» atty Qazaqstan Respýblıkasy Prezıdentiniń Joldaýyna arnalǵan ǵylymı-tájirıbelik konferensıa bolyp ótti.
İs-sharaǵa Konstıtýsıalyq Keńestiń Tóraǵasy Igor Rogov, Joǵarǵy Sot Tóraǵasy Qaırat Mámı, respýblıkanyń ǵylymı ıntellegensıa ókilderi men joǵary oqý oryndarynyń profesor-oqytýshylar quramy qatysty.
Konferensıa jumysyn QazUPÝ prorektory, h.ǵ.d., profesor M.E. Ermaǵanbetov ashty. Konstıtýsıalyq Keńestiń Tóraǵasy Igor Rogov pen Joǵarǵy Sot Tóraǵasy Qaırat Mámı kirispe sóz sóıledi.
Óz sózinde Konstıtýsıalyq Keńestiń Tóraǵasy I.Rogov aldaǵy konstıtýsıalyq reformaǵa toqtalyp ótti. Ol «Qazaqstan Respýblıkasynyń Konstıtýsıasyna ózgerister men tolyqtyrýlar engizý týraly» Zań jobasynyń negizgi aspektilerimen tanystyra kele, jumys toby túsip jatqan usynystardy qorytý jumystaryn jalǵastyryp jatqanyn aıtty.
Joǵarǵy Sot Tóraǵasy Qaırat Mámı kirispe sóz sóıleý barysynda Joldaýdy oryndaý jáne bılik tarmaqtarynyń arasyndaǵy ókilettikterdi qaıta bólý reformasyn júrgizý boıynsha sýdıalar korpýsynyń aldynda turǵan mindetterdi iske asyrý baǵytyndaǵy Joǵarǵy Sottyń jumysy týraly habardar etti.
Konferensıanyń kún tártibine sáıkes oǵan qatysýshylar úsh seksıa sheńberinde Memleket basshysynyń Qazaqstan halqyna Joldaýy turǵysynan táýelsiz Qazaqstan Respýblıkasynyń konstıtýsıalyq-quqyqtyq damý máselelerin, jańǵyrý kezeńindegi elimizdiń syrtqy saıasatynyń basymdyqtary men ekonomıkalyq ósýdiń jańa modelindegi bilim berý máselelerin talqylady.
Konferensıa barysynda QR Bilim jáne ǵylym mınıstrliginiń ókili – QR BǴM Ekonomıka ınstıtýtynyń óńirlik ekonomıka jáne ınovasıalyq damý bóliminiń meńgerýshisi F.G. Áljanovanyń, z.ǵ.d., profesor S.N. Sabıkenovtiń, t.ǵ.d., profesor E.A. Kýznesovtyń, z.ǵ.d., profesor A.A. Sábıtovanyń jáne t.b. qazaqstandyq tanymal ǵalymdardyń baıandamalary tyńdaldy.
Konferensıaǵa qatysýshylar Memleket basshysy talqylaýǵa usynǵan Konstıtýsıaǵa túzetýler engizýdi kózdeıtin zań jobasyna joǵary baǵa berdi. Jumys tobynyń qaraýyna joldanatyn birqatar usynystar aıtyldy.
Konferensıanyń qorytyndysy boıynsha jahandaný jáne álemdik báseke jaǵdaıynda Qazaqstannyń qazirgi damý kezeńinde ınovasıalyq ekonomıka, bıznes-ortany nyǵaıtý, sybaılas jemqorlyqpen kúres jáne jalpy alǵanda, adamı kapıtaldyń áleýetin arttyrý eldi damytýdyń, qoǵam men memleketti odan ári demokratıalandyrýdyń basty faktorlary ekendigi týraly ortaq pikir aıtyldy.
