AQSH-ta qandasymyz Qanat Islam 23 kezdesýin ótkizip, qarsylasyn alǵashqy mınýtta-aq qulatyp saldy dep habarlaıdy "Qamshy" portaly. Kezdesý Amerıkanyń Delaver shtaty Ýılmıngton qalasynda ótti.

Aıta ketsek, otandasymyz 23 kezdesýin Almatyda ótkizgen bolatyn. 

Búgin Qanat Islam brazılıalyq boksshy Robson Assıspen jekpe-jekke shyqty. Boksshymyz sharshy alańǵa "Qamshy" portalynyń gımni "Dúr Qamshy" ánimen kóterildi. Oıyn bastala sala qabaǵyn qanatyp alǵan Qanat qarymta soqqysyn údetip, qarsylasyn oń qolymen bir mınýtqa jetpes ýaqytta-aq nokaýtqa jiberdi.

Jekpe-jekti "Qazaqstan" jáne KazSport arnalary tikeleı efırden kórsetti.

Qanat Islam jeńis sózinde aǵylshyn jáne qazaq tilinde jankúıerine alǵys bildirdi.

Jarysty kórýge Qanat Islamnyń demeýshisi, mesenat Baýyrjan Ospanov arnaıy barǵan.

32 jastaǵy otandasymyz Qanat Islam kásipqoı boksqa 2012 jyly aýysyp, sol ýaqyttan beri eshkimge des bergen joq. Ol ózi ótkizgen 23 kezdesýdiń barlyǵynda jeńiske jetti. 19 ret qarsylasyn nokaýtqa túsirdi. Osy kezdesýi qandasymyzdyń AQSH jerinde ótkizgen tórtinshi jekpe-jegi. Ol WBO Intercontinental jáne WBA Fedelatin tujyrymdary boıynsha Álem chempıony.

Boks básekesi áli de jalǵasý ústinde. Bul keshtiń basty jekpe-jeginde 48 jastaǵy ataqty boksshy kishi Roı Djons 46 jastaǵy Bobbı Gannmen judyryqtasady.