Shymkentte alǵash ret VICH-juqpaly aýrýyn qasaqana juqtyrdy degen aıyp boıynsha sot prosesi ótti dep habarlaıdy caravan.kz.
Úılenemin dep sóz bergen shymkenttik azamat ınfeksıany óz qalyńdyǵyna ǵana emes, onyń ulyna da juqtyrǵan.
Byltyrǵy jyldyń jazynda «JITS-tan balalardy qorǵaý» qorynyna jas kelinshek kelgen. Búrkenshek aty Ferýza. Onyń áńgimesine qaraǵanda bir jasar uly sońǵy ýaqyttary qatty jáne jıi aýyryp júrgen. Qoldanǵan em-domnyń esh nátıjesi bolmaǵandyqtan, aýrýhanaǵa túsip qalǵan. Analız nátıjeleri týǵan ulynan VICH-tiń oń nátıjelerin kórsetkendegi Ferýzanyń tańdanysy men qorqynyshyn aıtsańyzshy!
Bul aýrýdyń qaıdan paıda bolǵanyn tabý maqsatymen kelinshek óte qyzyq jaǵdaıǵa tap bolǵan. Ulyn bosana salysymen kúıeýimen aıyrylysqan Ferýza 49 jasar Maksadhan Ý-men tanysqan. Óz kezeginde Maksadhan oǵan úılenemiz dep ýáde bergen. Alaıda, arada biraz ýaqyt ótken soń ekeýi aıyrylsqan. Eks- jigititiniń ótken ómirin teksere kele, Ferýza onyń narkodıspanserde tizimde turǵanyn biledi. JITS ortalyǵynda odan VICH-ınfeksıasy anyqtalǵan ekenin de keıin bilgen.
Ferýzaǵa óziniń ınfeksıalaǵanyn bile tura til qatpaǵan Maksadhan qaterli aýrýdy kelinshektiń balasyna da juqtyrǵan. Maksadhannan Ferýzaǵa, al Ferýzanyń sútinen balasyna juqqan ınfeksıa osylaı jalǵasyn tapqan. Osyndaı máseleden keıin Ferýza quqyqqorǵaý organdaryna, prokýratýraǵa kómek surap kelgen. Nátıjesinde Maksadhan sottyń aldyna turdy.
Sot prosesi Shymkenttiń Al-Farabı aýdandyq sotynda jabyq túrde qaralǵan. Bastapqyda óz erkimen kelip júrgen aıyptalýshy, óziniń kinásin moıyndaǵan. Alaıda Maksadhan, sot óz úkimin shyǵarǵan soń iz-tússiz ǵaıyp bolǵan. Sot úkimi boıynsha aıyptalýshyǵa « eki jáne odan da kóp tulǵaǵa, kámeletke tolmaǵan tulǵaǵa qasaqana juqpaly aýrý juqtyrý» boıynsha ( 3-b,118b) aıyp taǵyldy. Sot aıyptalýshyny syrttaı sottap, 4 jylǵa jazany jalpy rejımdik kollonıada óteý boıynsha bas bostandyǵynan aıyrdy.
Zardap shekken kelinshektiń talaptary jartylaı qanaǵattandyryldy. Moraldik zardap úshin sot aıypkerdi 1,5 mıllıona teńge tóleýge mindettedi.
Úkim shyǵarylǵan soń Maksadhanǵa izdeý jarıalanǵan. Bir qyzyǵy, aıyptalýshy buryn otbasyly bolǵan eken, tipti balalary men nemeresi de bar bolyp shyqty. Alaıda, onyń týystary olardyń qýanyshqa oraı VICH ınfeksıasynan saý eken. Soǵan qaraǵanda, Maksadhan bul ınfeksıany birinshi nekeden keıin juqtyrǵan kórinedi.
Bul qylmys boıynsha sot qysqa merzimde aıyp taqty, onyń sebebi aıyptalýshynyń óziniń de hal-ahýalynyń máz emestigi bolsa kerek. Úkim áli zań kúshine engen joq.
Al, Ferýza balasymen búgingi kúni em qabyldap jatyr jáne hal-aýhaly jaman emes.
Aýdarǵan: Nazerke Musa
