Bishkektiń tanymal shoýmeni, «Azıa MIX» KVN komandasynyń burynǵy oıynshysy Rýslan Halmýrzın "Sputnik-Kyrgyzstan" tilshisine bergen suhbatynda Qazaqstan men Qyrǵyzstannyń toılary nesimen erekshelenetinin aıtty.

«Negizinen, eki eldiń salt-dástúrleri bir-birine uqsas. Jalǵyz aıyrmashylyq – Qyrǵyzstanda beshbarmaq toıdyń sońynda berilse, Qazaqstanda toıdyń basynda beriledi. Beshbarmaq berilse, toıdyń bitýi dep oılaıtyn maǵan, bul dástúr alǵashynda birtúrli kórindi.

Árıne, Qazaqstan – qala sany men aqshasy kóp, ári munaıǵa baı el. Toıdy dúrkiretip ótkizýge shamalary jetedi. Toılaryna óz ánshilerinen bólek, Reseı ánshilerin de shaqyrǵandy jaqsy kóredi. Juma jáne senbiniń ár keshi Qazaqstan jerinde Máskeý ánshileri órbip júredi. Aıtpaqshy, eldiń turǵyndary Eros Ramazottıdan góri, Qaırat Nurtasty erekshe jaqsy kóredi. Ol ánshimen eldiń bári sýretke túsip álek. Ol negizi jaqsy jigit, kez-kelgen toıdyń kórkine aınalady.», - dep pikirin aıtty shoýmen.  

Al, Qyrǵyzstan men Qazaqstan keshterine jumsalatyn qarajat jóninde suraǵanda, bylaı jaýap beredi:

«Bishkekte bir kesh úshin eń kóbi 500-800 dollar aqsha jumsalady. Qazaqstan tabıǵı resýrstarǵa baı qala, turǵyndary da kóp. Qazaqstannyń bir toıynda oıyn oınatyp jatqanymda qaljyńdaǵanym bar: «Eger biz konkýrsta qonaq komandany jeńsek, solardyń esebine Dýbaıǵa baryp demalyp qaıtamyz» dep edim, bir er adam ornynan atyp turyp, «Ne deıdi? Dýbaıǵa barmaqshysyńdar ma?» dep jar saldy da, kómekshesine 10 myń dollar usynyp, bizge berýin buıyrdy. Biraq, sonda da Qazaqstanda daǵdarys lebi seziledi».