Irannyń Atom Qýaty Uıymynyń aqparat hatshysy Iran ıslam respýblıkasynda ýran baıytý kóleminiń 20 paıyzǵa ulǵaıatynyn málimdedi. Bul týraly Parstoday jazdy.

Iran Atom Qýaty Uıymynyń aqparat hatshysy ári quqyqtyq, halyqaralyq jáne parlamenttik isteriniń orynbasary Behrýz Kamalvandı: «I.R.8 sentrıfýgalary synaq kezeńinde ýran gazymen baıytylǵan. Endi synaq bitken soń kóptep óndiriledi.

Qazirgi kezde ýran baıytý jumystary "I.R.1" sentrıfýgalary arqyly oryndalady. Onyń baıytý syıymdylyǵy jylyna bir sý bolyp tabylady, biraq "I.R.8" sentrıfýgalary jylyna 20 SWU (Seperative Work Unit) baıytý áleýetine ıe. Osy apparatty kóptep óndirýdiń nátıjesinde baıytý kólemi 20 paıyz bolady» dedi. Kamalvandı sondaı- aq ártúrli bólimderde túrli radıo dári óndirý salasynda aldaǵy kóktemniń bas kezinde 20 jańa jetistiktiń tusaýkeseri bolatynyn habarlap: «Iran ártúrli radıo dári óndirip jatyr, óıtkeni bul ónim medısına ǵylymynda sáýle arqyly emdeý men anyqtaýda mańyzdy ról atqarady» dedi.

"I.R.8" sentrıfýgalary sońǵy úsh jylda mehanıkalyq synaqtardan sátti ótken Iran ǵalymdary jobalap jasaǵan eń damyǵan sentrıfýgalar bolyp tabylady.