1918 jyly týylǵan amerıkandyq Robert Ýodloý 18 jasynda álemge tanyldy. Onyń ata-anasy men ápke, inileri boılarynyń uzyndyǵymen erekshelenbeıtin. 4 jasyna deıin kishkentaı Roberttiń basqa balalardan esh aıyrmashylyǵy bolmady. Biraq odan keıin saǵattap óse bastady.
10 jastaǵy balanyń ákesimen túsken sýreti. Sol ýaqytta ol naǵyz alyptyń ózi boldy. 9 jasta-aq ol ata-anasyn esh qıyndyqsyz baspaldaqpen kóterip, túsire alatyn.
Bala eshbir qıyndyqsyz mektepti bitirip, joǵary bilim alǵan. Alyp adam zańger bolýdy armandady. 18 jasta Robert sırkpen búkil eldi aralap shyqty. Salmaqty minezi men meıirimdiliginiń arqasynda el arasynda «Qaıyrymdy alyp adam» atanyp ketti. Eń qyzyǵy, jyldar óte jigit ósýin toqtatpady.
Roberttiń boıynyń uzyn bolýy gıpofoza isigi jáne akromegalıamen baılanysty edi. 22 jasyna qaraı jigit óte tez ósip ketkendikten baldaqpen júrýine týra keldi. Dál sol baldaq onyń ólimine sebepker boldy.
Baldaqtan qajalyp ketken aıaǵyna ınfeksıa kirip, nátıjesinde sepsıs aýrýyna shaldyqty. Tez arada qan aýystyrylsa da jaǵdaıy jaqsarmady.
22 jasynda Jer betindegi eń uzyn adam uıyqtap jatyp qaıtys boldy. Robert 1940 jyly dúnıe saldy. Búgingi kúnge deıin onyń nátıjesin áli eshkim qaıtalamady.
Dárigerlik anyqtamaǵa saı, jigittiń denesi ómiriniń sońyna deıin ósken. Qaıtys bolǵan kezde onyń denesi 272 santımertrdi qurady. Roberttiń denesi salynǵan tabytty zıratqa deıin kóp adam kóterip barǵan eken.
Daıyndaǵan: Ásem Álmuhanbet
