Bul Dımash biz oılaǵannan áldeqaıda ónerli bop shyqty. Álbette, onyń az ýaqyt ishinde jan-jaqqa tanylyp úlgerýine komandasynyń eńbegi zor dep bilemin. Já, erteń jumys kúni, árkimniń mazasyn almaı áńgimemizdi qysqa qaıyraıyq. Ataqty Maıkl Djeksonnyń "Billie Jean" atty týyndysy bar. Maǵynasyn bylaı qoıa berińiz, biraq án degen sumdyq endi. Eshkim estimedim demeıtin shyǵar. Ony 1983 jyldan beri qaraı talaılar shyrqap úlgergen de shyǵar-aý. Nege ekenin qaıdam, onyń keshe túnde jarıalanǵan kezekti beınejazbasyn tamashalap otyryp "dál osy ándi joǵary deńgeıde oryndap shyǵý Dımashtyń qolynan 101% keledi-aý" degen oı top ete qaldy. 
Bir qıyny - bul án ózindik erekshe bıimen qatar júredi. Iakı Dımashqa az ýaqyttyń ishinde Maıkldyń nebir qımyldaryn úırenip, kóbirek eńbektený kerek (degen sóz).

Kelisilip daıyndalǵan jazba emes. Onyń ústine Dımashqa án tańdap beretindeı mýzyka mamany (dombyra úıirmesiniń 3-synybyn ǵana támamdaǵanymdy aıtpaǵanda) emespin. Biraq dál osy "Billie Jean" áni sebepti Dımashtyń ónerdegi baǵy odan ári ashyla túsetindeı. Sondyqtan alysta júrgen Alpamys (Dımashtyń prodúseri) batyr bul tilegimizdi jaýapty adamdarǵa jetkizedi (tyńdarmandardyń tilegi dep qabyldarsyzdar) dep senemiz. Solaı ǵoı áleýmet?

Azamat Bıtan