Asyl tas Qaraǵandy turǵynynyń ólimine sebep boldy, dep habarlady «QazAqparat» HAA tilshisi.

Qaraǵandy oblysy qylmystyq is jónindegi mamandandyrylǵan aýdanaralyq soty buzaqylyǵy, qarý saqtaǵany jáne kisi óltirgeni úshin aıyptalǵan úsh er adamnyń isin qaraýda. Tergeý nusqasy boıynsha janjaldyń shyǵýy men kisi ólimine jalǵan gaýhar tas sebep bolǵan.

 «Úsh er adam birqatar qylmys jasaǵany, onyń ishinde kisi óltirgeni úshin aıyptalýda», - dep habarlady sottyń baspasóz qyzmetinde. Aıyptaý aktisine sáıkes sottalýshylardyń biri tanysynan gaýhar tas satyp alǵan, biraq ol jalǵan bolyp shyqqan. Satyp alǵannan keıin eki aıdan soń onyń jalǵan ekenin bilgen ol tanysymen habarlasyp, tas úshin bergen Range Rover, Toyota Land Cruiser 200 jáne Lexus RX 350 - úsh kólikti qaıtarýyn talap etedi. Alaıda bul sátte er adam Lexus RX 350 kóligin satyp úlgerip, bes myń dollar túsimdi úshinshi adamǵa berip jibergen. Jalǵan brıllıant alyp aldanǵan er adam eki dosymen satqan adamnan aqsha alý úshin barady. Olardyń arasynda Aqtas kóshesinde janjal týyndaıdy.

Sottalýshylardyń biri er adamǵa oq atqan, ólim aýzynda jatqan er adamdy kólikke salyp, Qaraǵandydaǵy Maqajanov atyndaǵy ortopedıa jáne travmotologıa ortalyǵynyń shyǵaberisine tastap ketedi. Er adam esin jımastan kóz jumady.