39-jasar brıtandyq Lınn Gollodjı saryla kútken «hanzadasyn» jolyqtyra almaı, úmiti joǵalyp óz-ózine turmysqa shyqpaqshy dep habarlaıdy Daily Star.

Týysqandaryn shaqyryp, dastarhan jaımaq bolyp otyrǵan áıel saltanatty merekelik toıdy sáýir aıyna josparlap otyr. Odan keıin Rımge bal aıyna jalǵyz ózi attanbaq bolyp  otyrǵan kórinedi. Gollodjı hanymnyń aıtýyna qaraǵanda oǵan jalǵyz bolǵan unaıdy, súıiktisin izdep sharshaǵandyǵyn da jasyrmady.

«Maǵan qarym-qatynastyń qajeti joq  jáne men osyny toılamaqpyn» -dedi brıtandyq áıel.  Roterem turǵyny mundaı sheshim qabyldaýyna «Dostar» telehıkaıasy túrtki bolǵandyǵyn jetkizdi.  Ol telehıkaıada da basty róldegi qyz dál osyndaı sheshim qabyldasa kerek.

Gollodjidiń týysqandary onyń mundaı sheshimine túsinistikpen qarap otyr. Onyń alda josparlanǵan toıyna da kómekterin aıamaıtyndaryn bildirdi.

Árıne, mundaı jaǵdaı kúnde oryn alyp otyrǵan joq.  Logıkaǵa syımaıtyn sheshim sekildi. Alaıda, batystan bárin kútýge bolady, al bizdiń mentalıtetke, senimge mundaı uǵym múldem alys. Jalǵyzdyqta ómir súrýge talpyný femınıstik kózqarasqa da jaqyn. Óz-ózińmen ómir súrý, ózińdi tolyqqandy, eshkimdi qajet etpeıtin tulǵa retinde qabyldaý, er adamǵa degen muqtajsyzdyq, normaǵa saı qabyldanǵan úlgidegi otbasyn qurýǵa degen yntasyzdyq- psıhologıalyq turǵydan da durys qarastyrylmaıdy. Alaıda mundaı sheshimge  kelýge túrtki bolǵan sebepter de bolýy múmkin.  Máselen, joǵaryda atalǵan áıeldiń osy ýaqytqa deıingi qarym-qatynastarynyń sátsiz bolyp aıaqtalýy, kórgen nárseniń (telehıkaıanyń) onyń psıhologıasyna áser etýi, belgili-bir turǵyda osy másele turǵysynda depressıaǵa ushyraý-sheshimdi qabyldaýyna sebep bolyp otyrǵan syńaıly.

Nazerke Musa