Ánshi Erıka Gersegtiń aıtýynsha, ol bul aqshalardy qazaqstandyq dosynan qaryzǵa alǵan, dep habarlaıdy "Pervaıa ınstansıa", málimettiń qazaqsha nusqasyn «Qamshy» portaly oqyrman nazaryna usynady.

«VIA Gra» tobynyń solısi Erıka Gerseg «Borıspol» aeroportynda kedendik tekseris barysynda qomaqty qarjymen ustalyp, aqshasynyń barlyǵynan aıyryldy. Qolǵa túsirgen qomaqty qarjyny memlekettiń paıdasyna tárkilegen.

Bul jaıynda Kıev oblysyndaǵy appelásıalyq sottyń sheshimi nátıjesinde belgili boldy.

Sot isindegi materıaldarda kórsetilgendeı, kedenniń «VIA Gra» tobynyń ánshsi Erıka Gersegke degen kúmándary bir jyl buryn, ıaǵnı 2016 jyldyń 20 naýryzynda paıda bolǵan. «Jasyl dálizdi» tańdaǵan ánshi kedendik post qyzmetkerlerine óz júgin ashyp kórsetken.

«Sómkeden 29,8 myń dollar, 12,5 myń evro men 15 myń rúbl qarajat tabyldy. Kedendik deklarasıada Erıka Gerseg aqshanyń somasyn bulaı dep kórsetpegen, sol sebepti de keden qyzmetkerleri 10 myń evrodan qalǵany tárýilendi, sebebi shet elge bul somadan artyq qarajat alyp shyǵýǵa ruqsat joq. Nátıjesinde, «VIA Gra» ánshisi 29,8 myń dollar, 2,5 myń evro men 15 myń rúblden aıyryldy», - dep kórsetiledi sot materıaldarynda.

2016 jyldyń sáýir aıynda sot ánshini kináli dep taýyp, 1700 grıven aıyppul salǵan, sonymen qatar jarıalanbaǵan qarajattaryn tárkileýge buıryq shyǵarǵan.

Erıka appelásıalyq sotqa shaǵym túsirip, aqshasyn qaıtaryp berýin suraǵanmen, onyń bul talaby oryndalmady. Sottyń mundaı sheshim qabyldaýyna ánshiniń qarajatqa qatysty bergen túsiniktemesiniń eki túrli bolǵandyǵy sebep boldy. Alǵashqyda ánshi bul aqshany tanysynan syılyq retinde aldym dese, appelásıalyq sotta qazaqstandyq dosynan qaryzǵa alǵndyǵyn dáleldemek boldy.

Aýdarǵan: Nazerke Labıhan