Almaty oblysynyń ákimi Amandyq Batalov Konstıtýsıanyń 26-babyna usynylǵan ózgeristerge qatysty pikir bildirdi dep habarlaıdy tengrinews.kz.
Oblys ákimi halyqqa esep berý kezdesýinde shekaradaǵy jerlerdi sheteldikterge berýge jol berýge bolmaıtynyn málimdedi.
«Qyzmetke taǵaıyndalǵanymda bólmeme Qytaıdyń ınvestor-mıllıarderi kirdi. Ol shekara aımaqtaryndaǵy jerlerde egin sharýalyǵyǵymen aınalysqysy keldi. Jartylaı shólge aınalǵan jer ýchaskesine ol óz qarajatynan komýnıkasıa tartyp, shólde «oazıs» jasaǵysy keldi. Biraq osyndaı strategıalyq aımaqty jerdi berýge bola ma? Birde-bir santımetr jerdi sheteldikterge bermeımiz. Jer máselesi udaıy baqylaýda», – dedi Amandyq Batalov.
Ákimniń aıtýynsha, búginde oblysta aýyl sharýashylyǵy maqsattaryndaǵy segiz mıllıon gektardan asa jer bar.
