Almaty polısıasy segiz jastaǵy qyzdy qaǵyp ketken júrgizýshini ustady, - dep habarlaıdy Tengrinnews.kz qalalyq İİD baspasóz qyzmetine silteme jasap. Ol Alǵabas aýylynyń 44 jastaǵy turǵyny eken.

"Keshendi jedel-tergeý sharalary barysynda Alǵabas aýylynyń turǵyny 1973 jylǵy azamat ustaldy. Ol óziniń "Mazda-626"  markaly kóligin kelesi Kóksaı eldi mekenindegi týystarynyń úıine jasyryp qoıǵan. Avotmobıl sotqa deıingi tergeý materıaldaryna zattaı dálel retinde tárkilendi. Anyqtaý bólimshesi osy is boıynsha saraptamalardy taǵaıyndaǵan", - dedi polısıadaǵylar.

Júrgizýshi óz kinásin moıyndaǵan. "Ol qorqynyshtan oqıǵa ornynan qashyp ketkenin moıyndady. Buryndary er adamnyń qylmystyq jaýapkershilikke tartylǵany anyqtaldy", - deıdi Almaty İİD jergilikti polısıa qyzmetiniń izdeý bóliminiń basshysy polısıa podpolkovnıgi Erik Nasyrbekov.

Almaty İİD-nyń Anyqtaý basqarmasynyń basshysy polısıa podpolkovnıgi Rýstam Abdrahmanov júrgizýshi eki bap boıynsha qylmystyq jaýapkershilikke tartyldy: QR Qylmystyq kodeksiniń 345-babynyń 3-bóligi ("Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy") jáne 347-babynyń ("Jol-kólik oqıǵasy bolǵan jerden ketip qalý"). Tergeý sharalary jalǵasady.