Jerge kólemi jaǵynan da, túzilisi jaǵynan da uqsas  7 planeta tabyldy. VVS-diń orys qyzmeti jazýynsha olardyń úsheýinde sýdyń suıyq kúıinde saqtalǵan dep habarlaıdy Qamshykz. Bul osy planetalarda ómir bar ekenin aıǵaqtaıdy.
NASA ǵalymdary shuǵyl shaqyrylǵan baspasóz-konferensıasynda  joǵarydaǵydaı málimdeme jasady.
Lej ýnıversıteti  Tehnologıa men astrofızıkalyq zertteýler ınstıtýtyndaǵy Mıkael Jııon bastaǵan komanda músheleri osylaısha  álemde bizden basqa da tirshilik ıeleri bar degen baılamǵa toqtap otyr.
Jeti planeta da bir-birine óte jaqyn ornalasqan. Jer sharynyń adamdary Kún men Aıdy qalaı kórse, jeti planeta bir-birine solaı kórinip turady.
Astronom Mıshel Gııonnyń aıtýynsha, bul ekzoplanetalar «Spıtser» atty teleskop arqyly tabylǵan.
VVS-diń ǵylym salasy boıynsha sholýshysy Devıd Shýkmannyń aıtýynsha, NASA osy kúnge deıin 3449 ǵalamshar anyqtaǵan. Onyń aıtýynsha, másele olardyń sanynda emes, kópshiliginiń Jerge uqsastyǵynda eken. Al joǵaryda atalǵan TRAPPIST-1  juldyzy — kishkentaı ári jaryq emes. Iaǵnı, ony teleskoppen kórý qıynǵa soǵady. Sarapshynyń aıtýynsha, NASA-nyń jańalyǵy áli basy ǵana. Sebebi endi ǵalymdar onda ottegi pen metan sekildi gazdardyń bar-joǵyn anyqtaýy kerek.

Al, planetalar bizden 39-40 jaryq jylyna teń qashyqtyqtan tabyldy. Al, olarǵa ushaqpen 40 mln. jylda jetýge bolady eken. Ǵalymdar biraq planetalardaǵy atmosferalyq júıeni zertteýge múmkinshilik bar deıdi. Ol úshin bas-aıaǵy 5 jyl ishinde qajetti tehnologıalardy oılastyryp tabamyz, dep sendiredi.