Búgin Din isteri jáne azamattyq qoǵam mınıstri Nurlan Ermekbaev respýblıkalyq «Asyl arna» telearnasyna resmı saparmen keldi  dep habarlaıdy Qamshy.kz.

Nurlan Baızaquly telearna ornalasqan ǵımaratty tolyq aralap kórip, shyǵarmashalyq, tehnıkalyq qurammen tanysty. Osy kúnge deıin atqarylǵan sharýalarǵa oń baǵasyn berdi. Óndiris júıesine qanyqqan mınıstr «Asyl arna», Din isteri jáne azamattyq qoǵam mınıstrligi jáne Qazaqstan Musylmandary Dinı basqarmasy arasynda jasalǵan úsh jaqty memorandým negizinde eleýli jumystar atqaralyp jatqanyn atap ótti. Elbasy Joldaýy men memlekettik saıasattyń nasıhattalýy, ekstremızmmen kúrestegi aǵartýshylyq sharalarynyń arna efırinde kórinis tabýyna oń baǵasyn berdi.

Sondaı-aq Nurlan Ermekbaev «Asyl arnanyń» qoǵamdaǵy orny erekshe ekenin tilge tıek etip, aldaǵy ýaqyttary mınıstrlik pen telearna arasyndaǵy baılanys budan keıin de nyǵaıa túsetinin jetkizdi, ujymnyń shyǵarmashylyq jumystaryna tabys tiledi.