Bir jarym aı buryn portalymyzda quran súrelerin durys oqýǵa tárbıelep, namaz úıretetin elektrondy jaınamaz týraly jazǵan edik. Namaz úırenýge óte tıimdi zamanaýı jaınamazdyń artyqshylyǵy - tuńǵysh ret qazaqtyń ulttyq oıý-órnegimen órnektelgendiginde. Atalmysh ulttyq ónimge qalyń jurt kóptep qyzyǵýshylyq tanyta bastaǵan. Keshe, 27 tamyz otandyq tele arnalardyń biri «31 arna» jańalyqtarynda bul jaınamazdyń erekshelikteri men artyqshylyqtary týraly baıan etildi.  Jaınamazdy jasaýshy  Alhanbaı Satybaldyulynyń aıtýynsha, bul jaınamaz arqyly namazdyń úkimderin sharıǵatqa saı tolymdy oryndaýǵa bolady. Iaǵnı Namazhan sájdege jyǵylyp, rýkýǵqa turǵandaǵy barlyq qımylyn qalyptasqan úlgige saı fızıologıalyq turǵyda densaýlyqqa da paıdaly etip jasaı alady. 

Qaptaǵan mısıonerler men adastyrýshy din ókilderi kelip, ata dini ıslam atyn jamylyp, jastarymyzdy ózge aǵymdarǵa buryp jatqanyn kózimiz kórip otyr. Oǵan dálel keıbir qarakózderimizdiń qolyna qarý alyp Taıaý shyǵystaǵy soǵysta «jıhad» jasap júrgeni. Osynyń bári ıman sharttaryn durys túsine almaǵan, namaz shartyn durys uǵynbaýdyń jáne oryndaı almaýdyń kesiri. Tórińizde bir elektrondy jaınamaz tursa qatesiz namaz oqyp, týra din ustanatynyńyz anyq. Elektrondy jaınamaz sizdiń ımanyńyzdyń kámil bolýyna qyzmet jasasyn.