Qostanaı oblysynyń Arqalyq qalasyndaǵy 600 adamdyq meshit satylymǵa shyǵaryldy. Aqparat Qazaqstandyq jarnama resýrstarynyń birinde jarıalanǵan. Bul jaıynda kostanaytv.kz habarlaıdy.

Dinı oryndy satylymǵa shyǵarmaq bolǵan adam meshit baǵasyn 200-220 mıllıon teńgege baǵalap otyr.

«Arqalyq qalasynda 600 adamdyq meshitti satamyn. Ǵımarat 85-90%-ǵa ázir. Jeri – 300 sottyq. Jalǵa berý usynysyn qarastyramyn. Jylyna 200 myń teńgege. Ǵımaratty ózge bızneske ózgertýge ázir seriktesti de izdestirýdemiz. Qurylys materıaldary bar», - dep jazǵan meshitti satatynyn málimdegen azamat.

Atyraý qalalyq meshitiniń ımamy Serikjan Enshibaıuly osy aqparatqa baılanysty óz oıyn bildirdi:

«Sharıǵatqa súıensek, meshitti satýǵa bolmaıdy. Erte zamandardan beri adamdar meshitke qulshylyq etý úshin keledi. Buryn-sońdy meshit satý nemese bireýge syıǵa tartý degen dúnıe oryn almaǵan. Múmkin, zań boıynsha ruqsat etilgen shyǵar, biraq sharıǵat ruqsat etpeıdi»