Avstralıalyq kompanıanyń áýereısinde jolaýshy qulaǵyndaǵy qulaqqap jaryldy. Bul týraly  «Qamshy» portaly caravan.kz-ke silteme jasaı otyra habarlaıdy. Pekınnen Melbýrnǵa ushqan jolaýshy qyz qulaqqaby jarylyp beti kúıip qalǵan.  Ushaq  áýege kóterilgennen soń 2 saǵattan keıin jolaýshy óleń tyńdap uıyqtap qalǵan. Qulaǵyndaǵy qulaqqap arnaıy qýattandyrǵyshtarmen jumys isteıtin kórinedi.

Bul oqıǵa 19 aqpanda oryn alǵan. Alaıda tek qazir belgili bolyp otyr. Avstralıalyq kólik qaýipsizdigimen aınalysatyn uıymdar jolaýshylarǵa abaı bolýlaryn eskertti. Ásirese, qýattalatyn qulaqqaptardy  ushaqta qoldanýǵa tyıym salyndy.

Japa shegýshi qyzdyń aıtýynsha qulaqqaby jarylǵan ýaqytta qulaǵyna tars etken dybys esitilip, beti men moıyn aınalasy  ashyp keten. Qulaqqapty jerge laqtyrǵanda olardyń janyp turǵanyn  kórgen. Áýeushaǵy zardap shekken jolaýshyǵa alǵashqy járdemin kórsetti.