Qorǵanys mınıstriniń orynbasary Reseıdiń Embi polıgony terıtorıasynda qandaı synaqtar júrgizgenin aıtyp berdi, - dep habarlaıdy Tengrinews.kz.

Senator Muratbaı Joldasbaev Parlament palatasynyń otyrysynda qorǵanys mınıstriniń orynbasarynan Emdi synaq polıgonynda qandaı qarý túrleriniń qoldanylǵanyn surady. "Hımıalyq nemese bıologıalyq qarý túrleri qoldanyldy ma? Qandaı da bir ekologıalyq nemese topyraq-hımıalyq saraptama júrgizildi me? Bul suraqty jerimizdiń qandaı jaǵdaıda qaıtarylyp jatqanyn túsiný úshin qoıyp otyrmyn", - dedi depýtat.

Mınıstrdiń orynbasary polıgonnyń 1960 jyly zertteý jumystaryn, jattyǵýlardy júrgizý úshin qurylǵanyn aıtty.  "Negizinde ol jaqta qurlyq áskeriniń áýe shabýyla qarsy qarýy qodlanyldy. Barlyq raketa otynmen atylady, basqa qarýlarǵa qaraǵanda munyń tabıǵatqa zıany joq. Sonymen qatar, ótken jyly biz ákimdikpen birge zertteý júrgizdik, topyraǵyn tekserdik. Zerthana saraptamasynyń qorytyndysynda normadan asatyn jaǵdaı bolmady", - dep habarlady Oqas Saparov. Senat depýtaty Ikram Adyrbekovtyń aıtýynsha, Qazaqstan Prezıdenti polıgondar sanyn azaıtýdy tapsyrǵan.  "Osyǵan baılanysty 2014-2016 jyldar aralyǵynda Qaraǵandyda, Atyraýda, Qyzylordada, Aqtaýda jáne Batys Qazaqstan oblysynda, Saryshaǵan polıgonynda, Shýda qysqartylyp, 1,5 mıllıon gektar jer berilgen. Buǵan depýtattarymyzdyń yqpaly bolǵanyn bilemiz. Osyǵan baılanysty bizdiń qoǵamda túrli dúrligý paıda boldy. Qazir tynyshtaldy", - dedi senator Adyrbekov.