«Qamshy» portalynyń hat qorjynyna Jaqsybek Qaqannyń haty kelip tústi. Ózekti másele qozǵalǵan materıaldy portal oqyrman nazaryna usynýdy jón sanady.

«Biz Bilim jáne ǵylym mınıstrin tekke jazǵyryp jatyrmyz-aý shamasy. Baıaǵyda bir kisi aıtty deıdi "Ýlap-shýlap júrip, ul tabatyn kelinshekke qyz taptyrdyq" demekshi daý-damaı men ýlap-shýlaýdan tanbaǵan bizdiń qoǵamda bılik aspanda qalyqtap, ózderi qurǵan joba men jospardyń nátıjesine ózderi mas bolyp, ózderinen-ózderi shaıttanyp, rıza bolyp júretin sıaqty. Qoǵamnyń qozǵaltqysh kúshi halyq ne oılaıtynynda. Olarda halyq degen uǵym joq. Olarda qanypezer monopol kapıtalıziniń maqsaty ǵana bar. Bizdiń bılikti ańǵarsańyzdar ishten basqarmaıdy. Syrttan bir qudiretti kúsh qaýsyryp, qysyp qadaǵalap tapsyrma beredi turady. Sizder oılamańyzdar qazirgi bılik orys tildi óz urpaqtary úshin kúresip jatyr dep, olar úlken bir ózgeriske zor daıyndyq ústinde. Óte saýatty túrde júrgizilip jatqan astyrtyn saıasat qazaqty ushpaqqa shyǵarmaıdy, qazaqty qoraǵa qaıta tyǵý daıarlyǵynda. Eshbir memleket ulttyq tiline qarsy bizdiń bılikteı aıarlyq tanytyp otyrǵan joq. Eshbir el óz tiline qazaq bıligindeı satqyndyq jasap jatqan joq. Qazaq tilin sóıleı almaıtyn adam bılikte otyryp qazaq múddesin qorǵaı almaıdy. Ashynbasaq aıǵaılap nemiz bar. Bılik durys saıasatyn júrgizip, halyqtyń jaǵynan shyǵyp tursa, saıasatta nemiz bar. Bılik qaıta-qaıta qıturqy málimdeme jasap, qısynsyz zań qabyldap jurttyń júıkesin synap, oınap otyrǵan joq. Olar kezeń-kezeń boıynsha sumdyq josparlaryn tyqpalap, zorlap bolsa da ortaǵa salyp keledi. Halyq ýlap-shýlap bir bulqynady, eki bulqynady. Aqyry eti ólip úırengen soń qalaǵanyńdy qyla berge kelip aldy. Áıtpese ne UBT-dan qazaq tilin alyp tastaıtyn qandaı qudiretteri bar. Qazaq memleketi me, qazaq tili negizigi emtıhannyń eń mańyzdy talaby bolýy shart. Ol ózgermeıtin paryz. Meıli qandaı syltaý bolsa da ulttyń tili qurbandyqqa ushyramaýy tıis. Myna azat elde eshkimniń oǵan shekteý qoıarlyq uqyǵy joq. Biz tilmen ǵana qazaq bola alamyz. Bastary basqaǵa istemese de, osy tilge kelgende, tilsizdenýge kelgende bıliktiń qýana zań qabyldap, belsene atqara qalatyny tyqyrdyń tereńde ekenine kózimiz jete túsedi. Qazaq elinde turyp ózimiz qazaqtyqtan jerisek, shettegiden ne suraısyń. Imýnıtetimiz ólmese eken. Ár shýdyń astynda úlken qysastyń kútip jatqanyn júıkemiz seziktenip, selt etip oıanyp jatsaq eken».

Jaqsybek Qaqan