17, 19, 25 naýryz kúnderi M.Áýezov atyndaǵy Qazaq Memlekettik akademıalyq drama teatrynda M.Omarovanyń "Kómbe nannyń dámi" spektakliniń premerasy bolady. Qoıýshy-rejısseri  Qazaqstannyń eńbek sińirgen qaıratkeri Alma Kákisheva.

 17 naýryz kúni tusaýy kesiletin  «Kómbe nannyń dámi» spektakli  sonaý soǵys jyldary tylda qalǵan halyqtyń basyndaǵy náýbet haldi sýretteıdi. Náýbat maıdan eldegi er-azamatty túgel sypyryp alyp ketkende, barlyq qıamet-qıynshylyq aýyldaǵy shal-kempirdiń,bala-shaǵa men áıelderdiń moınyna qyl shylbyr bolyp ilindi. Sol bir kez taǵy bir sumdyǵymen tarıhta qaldy. Ol  – keńes ókimetiniń saıasatyna qaıshy bolyp kóringen ulttardy týǵan jerinen aıyryp, basqa mekenge deportasıalaý bolatyn. Jer aýdarylǵandar  qazaq aýylyna keldi. El men eldiń, ult pen ulttyń baýyrlasýy, ultymyzdyń qonaqjaılyǵy spektáklge arqaý boldy. Týyndyda qazaqtyń ózi qaıǵydan qan jutyp, ash-jalańash otyrsa da, pana izdep kelgen jurtty syrtqa teppeı, aıaly alaqanyn qalaı usynǵany baıandalady.

"Kómbe nannyń dámi" dramasy "Teatr kóktemi - 2017" festıvaline qatysady. Al festıváldiń qorytyndysy 18 naýryz kúni saǵat 16:00 de belgili bolady.