Ádette áleýmettik jelide asa ótkir máseleler talqylanyp jatady. Aqparat quraldarynyń derekkóz retinde áleýmettik jelidegi máselelerdi taratatyny ras. «Qamshy» portaly Qazaqstan arnasynyń beldi tilshileriniń biri Aınur Omar áleýmettik jelide kótergen ótkir máseleni oqyrman nazaryna usynýdy jón sanady.
«Jýrnalıs bolǵannan keıin túrli jerge baramyz ǵoı. Keıde túsirgen eńbegińe tatymaıtyn semkalar bolady. 3-4 adam bas qosyp naqty nátıjesi joq, deregi az bolmashy taqyrypty sóz etedi. 30 býklet shyǵaryp, 20 fýtbolka taratady (logotıppen) qazaqsha aıtqanda eki jerden maı, eki jerden qant qoıyp, ótkizilýi tıis sharasyn ótkizip shyǵady. Memlekettik tapsyrys bolǵan soń memlekettik BAQ ta eriksiz barady ol jerge. Óskende bildim ǵoı, mundaı sharanyń artynda MILLIONDARDYŃ aınalyp jatqanyn.
Byltyr elde Din isteri jáne azamattyq qoǵam mınıstrligi quryldy. Endi bılik eldegi azamattyq qoǵamdy damytý úshin Úkimettik emes uıymdardy (NPO) qarjylandyrýdy kúsheıtpekshi. Ony qup kóremiz. Al bólingen qarjy «Azamattyq bastamalardy qoldaý ortalyǵy» arqyly beriledi. Ortalyqtyń basshysy KVN-chık Nurlan Óteshev. Byltyr osy ortalyq 200 mln teńge taratsa, bıyl Úkimettik emes uıymdarǵa 600 mln teńge úlestirdi. 600 MILLION!!!!
Bizdiń kásibı jýrnalıser birlestigi de osy ortalyq uıymdastyrǵan konkýrsqa qujat tapsyrǵan. «Azamattyq sektor qyzmetin jarıalaýda buqaralyq aqparat quraldarynyń áleýetin arttyrý». Tap bizdiń lot boıynsha konkýrs ótpeı qaldy. Sebebi túsiniksiz. Óteshevtiń ortalyǵyna habarlassań eshkim durys jaýap bermeıdi. Barsań , kirý múmkin emes. Shubardaǵy jeke menshik úı sıaqty bir keńesde otyrady. Temir qaqpasy bar. Únemi jabyq turady. Esikti qaǵasyń, kútesiń, aıqaılaısyń. Itshilep áreń kirgende ishtegi qyzmetkerleri seni qaıyr surap barǵandaı qarsy aldy.
Memlekettiń aqshasyn, qazynadan bólingen qarajatty, Siz ben bizdiń salyqtan jınaǵan aqshany óz qaltalarynan úlestirip otyrǵandaı. Ideologıamen aınalyspaıdy dep memleketti aıyptaǵyń kelmeıdi, ekonomıkalyq jaǵdaıymyz turalap jatsa da, «Alash» qozǵalysynyń 100 jyldyǵyna aqshasyn bólip jatyr. «Alash» ulttyq qozǵalysynyń qurylý sátinen bastap, 100 jyl tolý qurmetine, sondaı-aq saıası qýǵyn-súrgin qurbandaryn eske alýǵa arnalǵan aqparattyq, bilim berý qyzmetin uıymdastyrý" konkýrsyn «Soglasıe narodov» qoǵamdyq birlestigi" utyp alypty. 5 mıllıon teńge.
Al «Balalar men jastarǵa patrıottyq tárbıe berý jáne mádenıetin qalypstastyrý degen baǵyt boıynsha «Qazaqstannyń skaýttyq qozǵalysy» utyp alǵan. 10 mıllıon teńge!!! Qazaqstandyq patrıotızm jáne skaýttar. Osy eki uıym boıynsha biraz aqparat izdedim. Mardymdy eshteńe tappadym. Múmkin Sizder bilesizder? Múmkin olar da aqtalatyn shyǵar, basqa uıym qatyspady, báseke bolmady, qatysqandar talapqa saı bolmady dep. Ózgeler úshin eshteńe aıtpaımyz, biraq 100 den astam múshesi bar, jumys isteımin degen naqty jospary, konsepsıasy bar bizdiń uıym nege shet qaldy? Onyń granty kimge buıyrady? Azamattyq qoǵamnyń alǵysharty ashyqtyq bolsa kerek! Din isteri agenttiginen de, Óteshevtiń uıymynan da ashyqtyqty talap etemiz. Konkýrsqa túsken barlyq uıymdardy jarıalasyn, jeńgenin de jeńilgenin de. Dalada jatqan 600 mıllıon teńge joq.»
