Jelide taralǵan qazaq halqynyń uly ǵulamasy Abaıdyń beınesi beınelengen kilemshe sýreti Instagram jelisindegi zhest_kz paraqshasynda jarıalanǵan. Bul týraly «Qamshy» portaly habarlaıdy.
Jeli qoldanýshylar bul týraly pikirlerin ár túrli bildirdi. Bireýleri bul sýrettiń fotoshop ekenin aıtsa, endi bireýleri Almaty qalasyndaǵy qoǵamdyq ájethanalardyń biriniń aldynda jasalǵan sýret dep topshylaıdy. Ol Mustafın men Birjan sal kósheleriniń qıylysyndaǵy "Orbıta" saýda úıi men bazar mańynda ornalasqan bolýy múmkin deıdi.
Ne degenmen, mundaı sýretti kópshilik qaýym soraqylyq, uıatsyzdyq dep baǵalap otyr.
«Muny istegen adamdy adam deýge uıat. Olaı bolmaıdy ǵoı. Ol bizdiń uly tulǵamyz. Qanshama urpaq onyń uly shyǵarmalarymen óstik. Masqara", - dep jazdy pikir bildirýshilerdiń biri.
