Elbasy maqalasyna oraı. "Jańa turpatty jańǵyrýdyń eń basty sharty - sol ulttyq kodyńdy saqtaı bilý." Taýyp aıtylǵan sóz. Qazirgi kezdegi ulttyq, tarıhı, jalpy bolmysymyzǵa saı kelmeıtin, meıli batys bolsyn, meıli basqa bolsyn, myna jas býynnyń elikteýine tosqaýyl bolatyn dúnıe eken.
Básekege qabilettilik IT - tehnologıasyn, shet tilderin meńgerý, mádenı ashyqtyq bul jóninde daý joq. Jalpy bizdiń ulttyń, bul tarmaqtardy sózsiz jutyp alaryna senimdimin. Tek, jaǵdaı jasap berý kerek. Máselen: Til máselesine baılanysty ortalyqtar ashylsyn, aqysy qarapaıym halytyń qaltasy kóteretindeı bolsyn. Oǵan qosa iri kásip oryndaryna, kompanıalarǵa, korporasıalarǵa memleket júktesin, jyl saıyn 20-25 adamǵa aǵylshyn tilin úıretsin, kishi kásip oryndary jaqsy jumys istegen kisini tegin oqytsyn. Bul da kórsetkish bolar edi. Erlan Qarın myrza bastaǵan "Sherlok Holms" jobasy sıaqty, elimizdiń arnalarynda jalǵasyn tapsa. Keshe jalaqysy kóterilgen depýtattar úlgi kórsetip, 1-2 qarapaıym ustaz jaldap 1jylǵa óz aýyldaryna jibertsek. Týǵan jer máselesine kirip keter edi.
"Pragmatızm- ózińniń ulttyq jáne jeke baılyǵyńdy naqty bilý, ony ysyrap etpeý men únemdi paıdalaný." Sol baılyqtan azǵantaı úles tımegen soń, ulttyq baılyqty qara halyq oılaýdan qalǵan. Al ysyrap etpeý men únemdi paıdalaný sol ulttyq baılyqtyń bul dúnıede qyzyǵyn kórip júrgenderge tıisti aıtylǵan bolý kerek. 
Bilim alý, bolashaq baǵdarlamasy el basynyń eldiń bolashaǵyna alańdaýy ǵana emes, jalpy álemge kim ekenimizdi kórsetý, básekege qabiletti bolý saıasaty. Bul úlken qoldaý, úlken úmit. Sol úmitti aqtap jatqandarda bar. 
"Ózimizdiki ǵana tańsyq, ózgeniki qańsyq"- bul keri tartpa sózsiz. Sananyń ashyqtyǵy alǵa qoıatyn túısik. Damyǵan elderdiń jetistigin moıyndaı, olarmen ortaq tilde, ashyq áńgime órbitip, tájirıbe ala otyryp solardyń qataryna qosylý kerek dep túsindim. Onsyz bolmasyn bárimiz moıyndap otyrmyz. 
Latyn áripterin engizý, bul eń aldymen quldyq sanadan arylý kórinisi dep baǵalaımyn, jáne alǵa qoıǵan naqty maqsaty bar el retinde alǵa jyljý.
Kitap aýdarý jobasy keremet dúnıe. Sol aýdarylym kezinde mazmundyq sapasyna kóńil bólinse, meıli qaı tilden aýdarylsa da. Sebebi kóp jaǵdaıda, joǵarǵy oqý oryndarynda bolashaq ınjenerlerge, orys tilinen tikeleı aýdarylǵan kitaptardy túsiný, qıynǵa soǵady.
"Qazaqstannyń kıeli jerleriniń geografıasy". Ulttyq sanaǵa áser etpeı qoımasy anyq. Kózben kórip, qolmen ustap turyp tarıhtan áser alyp, alǵa basatyn qadamdarymyz nyq, senimdi bolýyna óz úlesin qosatyn birden-bir joba. Ony shet elderge, zamanaýı úlgide tanytý, bizdiń qasıetti halyqtyń danalyǵyna, qaısarlyǵyna, batyrlyǵyna tańyrqaıtyndary sózsiz. 
Qazirgi zaman batyrlaryn nasıhattaý, jaqsylyqqa ıtermeleý bolar edi. Ádilet Imambekov sıaqty, erte ozsa da dúnıeden, álemdi moıyndatqan fızık. Mine úlgi. 
Jańǵyrý qazirgi zaman talabyna saı bolý, qalaı aıtsaq ta kerek dúnıe. Óz taǵdyrymyz óz qolymyzda. Desek te bılik pen halyq arasyn áli de bolsa jaqyndatý kerek. Bir-birimizdi tyńdamaı, aqyldaspaı istelgen dúnıe narazylyq ákelerin kórdik. Bul bizdi artqa tartary anyq. Elbasyn halyq qoldaıdy. Jańǵyrý, osy zaman talabyna saı azamat bolý, maman bolý, kásipker bolsaq ta ár qazaq balasyna mindettelgen júk bolmaq.