Kezekti jekpe-jegińizge daıyndyq qalaı júrip jatyr?
Jekpe-jekke az ǵana ýaqyt qaldy. Taılandta daıyndalyp júrgenime úsh aı boldy. Barlyǵy ózimniń josparlaǵanymdaı ótip jatyr. Kóptegen Eýropadan IýFS jáne basqa da myqty tujyrymdardyń chempıondarymen sparrıng jasap, kúresip, birge daıyndalyp jatyrmyn. Jattyǵý óte keremet ótýde.
Qarsylasyńyzdy zerttep úlgerdińiz be?
Mogomedsaıgıd Álibekovty barynsha zerttedim. Qarsylasym osal emes. Ol segiz jekpe-jek ótkizip, barlyq qarsylasyn ýaqytynan buryn jeńgen. FIGHT NIGHTS tujyrymy boıynsha chempıon.
Sizdiń Golovkın týraly jazǵan ınstagram jelisindegi jazbańyz úlken shý týǵyzdy. Bul jarys aldynda ózińizge jasalǵan jarnama ma?
Buqaralyq aqparat quraldarynda jáne halyq arasynda meniń sózimdi jarnama retinde qabyldaǵandary kóp boldy. Shyn mánisinde ol pıar emes. Sportshy retinde biz rıngke shyǵyp kórgenbiz. Sondyqtan, kimniń qalaı óner kórsetkeni aıqyn kórinip turady. Anyqtap qarasańyz, jekpe-jektiń teń aıaqtalǵanyn baıqaýǵa bolady. Meniń aıtqanym tek shyndyq jáne ol meniń jeke pikirim. Otandasy bolǵannan keıin Golovkındi barlyǵy qoldaıdy.
Tóreshiler tek aqshany oılap, kóp aqsha tabýdyń jolyn izdemeı, shyn baǵa bergende, jarys teń aıaqtalar edi.
Siz kóbine shetelde daıyndalasyz. Bul óz elimizde jattyǵýǵa múmkinshilikiń joqtyǵynan ba?
Kóbine shetelde daıyndalatynym ras. MMA túri, sport klýbtary shetelde jaqsy damyǵan. Men elimniń namysyn qorǵap, shetelde qazaq eliniń týyn kóterip júrgendikten joǵary dárejeli sportshylarmen qatar daıyndalýym kerek. Qazaqstanda ondaı sportshylar az. Sol sebepti, sheberligimdi arttyrý úshin shet memlekette jattyǵamyn.
Aldaǵy josparyńyzben bólisseńiz?
Osy joly Alla qalasa FIGHT NIGHTS tujyrymy boıynsha álem chempıony bolýdy maqsat tuttym. Ol muratyma jetkennen keıin kelesi jekpe-jegimdi Almaty qalasynda, Almaty Arena zalynda ótkizsem degen josparym bar. Buıyrtsa, ol jekpe-jekti «Kazsport», «Boes tv», «Mach tv» telearnalarynan tikeleı efırde kórsetedi. Alla qalasa, jeńiske jetip jatsam qolyma mıkrofondy alyp aldaǵy josparymmen barsha halyqpen bólisemin. Tek jaqsy jańalyq kútińizder!
