Djessıka Notaro esimdi sulý 2007 jyly «Italıa arýy» baıqaýynyń fınalyna shyqqan. Sodan beri ony halyq tanı bastady. Notaro sánbıkelikke bet burdy. Telearnada túrli baǵdarlama júrgizdi. Ánshi bolýdy maqsat tutty. Tipti bir án jazyp úlgergen.

Alaıda jaqynda bolǵan oqıǵa onyń ómirin máńgilikke ózgertti. Djessıka Notaronyń burynǵy jigiti Jorj Edson Tavares  qyzǵa kúkirt qyshqylyn shashyp jibergen. Sonyń saldarynan kóz, bet, aıaǵy kúıgen. Dárigerler sánbıkeniń bet álpetin tolyq qalpyna keltire almady. Qazir olar Djessıkanyń kórý qabiletin saqtap qalýǵa tyrysýda.

Polıseıler Jorj Edson Tavaresti ustady. Jigit óz kinásin moıyndamaı otyr. Djessıka buǵan deıin birneshe márte Tavarestiń qorqytqanyn aıtyp aryzdanǵan.

Djessıkanyń aıtýynsha, Edson Tavares óte jaqsy adam bolǵan. Alaıda ekeýi aıyrylysqannan keıin minezi kúrt ózgergen. Qyzdy ańdyp, qorqytýdy shyǵarǵan.

Sánbıke birneshe aı aýrýhanada jatqan. Halyqtyń kózine kórinýge uıalǵan qyz jaqynda telearnaǵa shyǵýǵa bel býady. Djessıkanyń aıtýynsha, shabýyldan keıin Djessıka kórý qabiletin saqtalyp qalýyn qudaıdan tilegen. Al burynǵy sulýlyǵy jaıynda aıtýdyń ózi artyq ekenin aıtady.

Notaro kózge arnalǵan dárige aıyna 600 dollar jumsaıdy eken. Sonymen qatar, kúnde aýrýdy basatyn dári iship, maska kıip júrýge májbúr. Sánbıkege áli kúnge shyǵýǵa bolmaıdy.

Plasıkalyq operasıa jasaý áli erte. Dárigerlerdiń aıtýynsha, Djessıka bir jyl kútýi kerek.

Djessıka telearnadan burynǵy jigitine habar joldady.

«Seniń maǵan ne istegenińdi kórgenińdi qalaımyn. Bul mahabbat emes» dedi qyz.