Derek Loý álemdegi eń ataqty jáne baı adamdardyń qandaı ushaqqa minetindikterin bilip, ony álemge kórsetý úshin 23 myń dolloryn jumsady dep habarlaıdy Qamshy aqparattyq agenttigi segodnya.ua-ǵa silteme jasap. Bul ushaqtyń qyzmetin álemge tanymal Leonardo Dı Kaprıo men Morgan Frıman da paıdalanǵan eken.
Sıngapýr eliniń jas kásipkeri Derek Loý iskerlik saparlarmen ushaqqa jıi minetin bolǵan jáne de ol úlken kólemdegi aqsha jınap, sol aqshanyń bir bóligin, 23 myń dollardy osy ushaqtyń bıletine jumsaǵan.
«Barlyq qyzmetkerler maǵan ataqty adam sekildi qyzmet etip, qurmet kórsetti»,-dep qýanady Derek Loý. Ushaqtaǵy qyzmetterdiń unaǵany sonshalyq Derek ol jerden ketkisi kelmegen.
