Ádette eles pen qala sózin birge qoldanǵanda kóz aldymyzǵa bos turǵan ǵımarattar, qoldanysqa jaramaıtyn eski zattar, kelýshisi joq dámhanalar , qıraýdyń aldynda turǵan qaqpalar elesteıdi. Alaıda munyń barlyǵy Qytaıdyń shóldi aımaǵynda ornalasqan Kangbashı qalasyna qatysty emes.
Álemde 1,5 mln. adamdy dál qazir qabyldaýǵa daıyn qala bar, dep habarlaıdy Qamshy aqparattyq agenttigi.
Qala qoǵamdyq kóliktermen, jańa baspanalar , tep-tegis jol, sport aleıasy jáne túrli saıabaqtarmen qamtamasyz etilgen. Bir ókinishtisi qalanyń ishinde qozǵalys joq.
Ǵajaıypqa toly qala Qytaıdyń soltústiginde ornalasqan. Bul jerdi İshki Mańǵolıa dep te ataıdy.
2001 jyly bul jereden kómir keni tabylǵan. Adam sengisiz baılyqqa kenelgen bılik basyndaǵylar jańa qala turǵyzýǵa sheshim qabyldaıdy. Bastapqyda bul qala 1 mln. adamǵa eseptelip jasalǵan.
2003 jyly qalanyń qurylysy aıaqtalyp, óziniń turǵyndaryn qabyldaýǵa daıyn turdy. Alaıda, Qytaı halqynyń keıbir turǵyndarynyń jyljymaıtyn múlikti ıemdenýge qaltasy kótere bermeıdi.
Fotograf Aleksandr Belyı atalǵan aımaqqa baryp qaıtqan bolatyn. Óz isiniń mamanyn keń kósheler , kópqabatty bos turǵan turǵyn úıler, jáne tirshiligi joq bos kósheler tań qaldyrǵan.
Kangbashıde baǵdarsham halyqtyń az bolǵanyna qaramastan toqtaýsyz jumys isteýde. Sońǵy málimetterge súıensek, qalada 30 myń adam adam turady.
Elesti qala atanǵan bul aımaqta kóshelerde túrli banner men mańdaıshalar ilýli. Zamanaýı qoǵamdyq kólikter men túrli músinder, zamanýı oıyn-saýyq keshenderi, bıznes-ortalyqtar, turǵyn úıler kózdiń jaýyn alady.
Kangbashı qalasynyń jalpy jer kólemi 350 sharshy shaqyrym km. Samara men Qazan qalalarynyń aımaǵyn alyp jatqan alyp shaharǵa Qytaıdyń bılik basyndaǵylar bir kezderi halyqty tolassyz kóship keledi dep oılaǵan.
Taǵy bir qyzyq derekti aıta ketsek: jekemenshik ınvestorlar jańadan negizi qalanǵan shahardan jyljymaıtyn múlikti kóptep satyp alǵan. Búginde qarapaıym halyqtyń qarjysynyń jetpeýi saldarynan oıdaǵy baǵasyna sata almaı otyr.
Kóp qabatty turǵyn úılerde keıbir páterler bezendirilmegen. Edenmen qamtamasyz etilmegenderi de kezdesedi. Alaıda, jylýmen qatamasyz etý óz deńgeıinde. Shahardy qalaýshylar turǵyndar kóship kelgenge deıin barlyq qurylys jumystaryn aıaqtaýdy oılap otyr. Jalpy aıtqanda, memlekettiń qarjysynyń biraz bóligi eshkim turmaıtyn úılerge jumsalýda.
Qala birneshe aýyldyń ornyna turǵyzylǵan. Qazirgi kúnge deıin qurylys jumystary toqtaýsyz júrip jatyr.
Qala ishinde tek keshke jaqyn ǵana avtokólikpen júrgen turǵyndar men jaıaý serýenge shyqqan adamdardyń qarasy kórinedi. Keıbir turǵyndar jergilikti dámhanalarǵa baryp turady.
Kóp jaǵdaıda Kangbashı qalasynda ádette kóshe tazalyǵyna jaýap beretin qyzmetkerelerdi ǵana keziktirýge bolady. Shyndyǵyna kelgende, bul aımaqta basqa tabys kózi de joq.
Aıtylyp júrgen ańyzdarǵa súıensek, Qytaı halqy Sibirdi jaýlap almaqshy. Jaýlap alǵan orys halqyn bos turǵan qalaǵa ornalastyrmaqshy. Astyrtyn jumystardyń basty kózi osy qala bolmaq.
10-20 jyldan soń bul qalada tirshilik jandanyp, turǵyndardyń qatary kóbeıedi dep úmittenemiz.
Aýdarǵan: Aıgerim TAÝBAI
