Ana mahabbatynyń  bolashaq urpaǵy úshin mańyzdylyǵyn eseptep ólsheý múmkin emes.  Jabaıy tabıǵatta da eresekter qaraýynsyz, mahabbatynsyz  qalǵan janýarlar balalary  árdaıym qurdymǵa ketedi.

Sol sıaqty bizde de, adamdar arasynda, jetimderdiń tirshiligi óte aýyr. Teorıa júzinde ata-ananyń qaraýynsyz qalǵan balalardy túrli qamqorlyq úıleri  baǵyp-qaǵady. Biraq dál osy balalar úıi men baspanalar qandaı sumdyqtardy jasyratynyn birimiz bilsek, endi birimiz bilmeı jatamyz.  Qamshy aqparattyq agenttigi osyndaı baspanalardyń birindegi jaǵdaıdyń shynaıy kórinisin kórsetetin kadrlardy usynady.

Bul Belorýssıadaǵy balalar úıi. Azyp-tozǵan balalar denesin kórgende adamdar jaǵasyn ustady. Kórermen kóz ne oılaryn da bilmeı qaldy.

Keıbireýler bul balalardy nemis lageriniń tutqyndary men qurbandaryna teńeýde. Shyn máninde sýretterdi birinshi ret kórgen adam solaı oılap qalatyn sıaqty.

Jergilikti dárigerler bul balalarǵa baryn jasaýda. Osy sýretterdi túsirgen reporter bul balalar baspanasyna jasyrynyp barmaǵan, kerisinshe baspana qyzmetkerleriniń ózderi bul kórinisti kópke jarıa etkileri kelgen.

Bul balalar úıinde túrli psıhofızıkalyq aýrýlarǵa shaldyqqan múgedek balalar turady. Densaýlyǵynda problemasy joq bala múldem joq, bári de aýrý-syrqaý. Kópshiligi DSP, sananyń jetilmeýi sıaqty týa bitken aýrýlarǵa shaldyqqan.

Mundaı balalardyń ata-analary bala týylǵannan keıin olardan birden bas tartady. Bul aýrý balalardyń kópshiligi júre almaıdy. Ózderiniń qysqa ǵumyrlaryn jatýmen ótkizedi. Balalar úıiniń qyzmetkerleri óz jumystaryn durys atqarmaıdy dep aıta almaımyz. Barynsha tyrysyp baǵyp-qaǵady, alaıda bul baspanadaǵy basty problema- balalarǵa arnalǵan arnaıy astyń joqtyǵy.

Saý balanyń kúndelikti jeı alatyn taǵamy bul balalarǵa jaramaıdy. Sebebi olar kúni boıy tek jatatyn bolǵan soń tamaq qorytylmaı qalady. Arnaıy mamandandyrylǵan balalar úılerine qunarlylyǵy joǵary emdik taǵamdar qajet. Ár balanyń ustanýǵa tıisti dıatasy bar. Ony ólsheıtin arnaıy qural da qajet. Árıne, munyń bárine qarajaı joq.

Balalar úıiniń qyzmetkerleri kómek surap, BAQ ókilderine júgingen. Osy oraıda sheneýnikter balalardy  arnaıy aspen qamtamasyz etetinine sendirgen. 

Daıyndaǵan: Nazerke MUSA