Kóptegen elderde semizdikke shaldyqqan adamdardy jıi kezdestirip júrmiz. Ásirese AQSH-ta osy máselege tap bolǵandardyń sany kóbeıýde. Semizdikke shaldyqqandardyń biri Nıkkı Vebsterdiń qalaı salmaq tastaǵany jónindegi málimetti Qamshy aqparattyq agenttigi oqyrmandardyń nazaryna usynady.            

34 jastaǵy  Nıkkı Vebster semizdikten kóp qıyndyq kóripti. Tipti erkin qozǵala almaǵan. Onyń salmaǵy 300 kelige deıin jetken.

Keıin ol ózgerý kerektigin túsinipti. Ol barlyǵyn tastap, dáriger Novzaradan jumys jasaıtyn Tehas qalasyna kóship kelgen. Sonymen birge ol sheteldik telearnalardyń birindegi baǵdarlamaǵa da qatysyp úlgergen. Ol baǵdarlamada Nıkkı qalaı salmaq tastaǵany týraly bar shyndyqty aıtqan.

Alǵashqy ýaqytta Nıkkı durys tamaqtaný arqyly 25 keli salmaq tastaý kerek bolatyn. Sodan keıin ǵana oǵan operasıa jasalǵan. Nıkkı 3 aıdyń ishinde 25 kelini tastap úlgerdi.

Operasıa sátti aıaqtalyp, 12 aıdyń ishinde 94 keli salmaq tastaıdy. Osy jaǵdaıdan soń Nıkkı taǵy da salmaq jınap alamyn ba dep qorqyp dárigermen aqyldasa bastaıdy. 

Osy kezde onyń ómirinde qaıǵyly oqıǵa oryn alady. Nıkkıdiń semizdikpen kúresip júrgen dosy operasıadan keıin qaıtys bolady. Bul jaǵdaı Nıkkıdiń psıhologıasyna qatty áser etedi. Alaıda Nıkkı tez esin jıyp, semizdikpen kúresin odan ári jalǵastyra beredi.

Onyń salmaǵy 15 kelige jetken kezde, oǵan artyq terini joıý úshin operasıa jasaý kerek bolady. Operasıa kezinde onyń ishki aǵzasynan qan ketip, ómirin qutqarý úshin taǵy da operasıa jasaýǵa týra keledi.

Barlyǵy sátti aıaqtaldy. Nıkkı úıine oralǵan kezde onyń salmaǵy 107 keli bolypty. Sosyn biraz jyldar boıy satyp ala almaǵan djınsy satyp alady.

Qazirgi ýaqytta Nıkkıdiń salmaǵy 88 keli. Ol velosıpedti emin-erkin tebe alady. Ony tipti eski dosy kezdesýge shaqyra bastaǵan. 

Daıyndaǵan: Ásel Óteshova