Qazirgi kezde jynysyn aýystyrǵandardyń sany artyp kele jatyr. Bundaı sumdyq áreketke baratyndar ataqty bolýdy ǵana oılaıtyn sekildi. Shetelde jynysyn aýystyrǵandar ataqty sánbıkelerge aınalady. Osyndaı jaǵdaılar qazaq jerinde de oryn alyp jatyr. Árıne, ókinishti. Burynǵy ata-babalarymyz biz úshin, táýelsizdik úshin malym janymnyń, janym arymnyń sadaqasy dep kúresken emes pe edi?! Alaıda qazirgi qazaq jastary da sol sheteldiń kez-kelgen túkke turǵysyz dúnıelerine qyzyǵyp, solar sekildi áreketterge baryp júr. Sondaı bir jıirkenishti áreketke barǵan shetel azamatynyń biri Kasandra Kass.

Ol qazir Gollıvýdtaǵy ataqty sánbıke. Kezinde ol qarapaıym, súıkimdi ul bala bolǵan. Onyń 4 aǵasy bar. Sonymen birge olardy ákesi jalǵyz ózi tárbıelepti. Ákesi uldaryn únemi sporttyq úıirmelerge qatystyryp otyrǵan. Ol óz uldarynyń qyzdyń jumysyn jasaýǵa jol bermeıtin edi.

Al kishkentaı uldy kóbisi qyzben shatastyratyn. Bir kúni ol ákesine: «Áke, men áıel bolǵym keledi», - dep aıtqan kórinedi. Al ákesi ashýlana qarap:«Ol kezde sen kimge kerek bolasyń? Sen álemdegi eń usqynsyz áıel bolasyń»,- degen.

Jigit 18 jasqa tola salysymen aqsha jınaý úshin Florıdaǵa ketip qalady. Ol Kasandra ataný úshin 10 jyly men 250 myń dolloryn jumsaǵan.

Kasandra bolýy úshin rınoplastıka jasaǵan, sonymen birge ernin úlkeıtip, keýde jasatqan. Eń bastysy jynysyn aýystyrypty.

Qazir ol ózi sekildi «qınalǵan» jandarǵa kómektesip júr. Ol jynysyn aýystyrýdy oılap júrgenderge qoldaý bildirip júr.

«Endi men keremet áıelge aınaldym. Meniń oqıǵam ózgelerge shabyt beretinine senimdimin»,- dep málimdegen.

Jynysyn aýystyrǵanyn jasyrmaı, ashyq aıtyp beretinderdiń sany artýda. Eger bulaı jalǵasa beretin bolsa onda álem qurdymǵa ketetini sózsiz. Jastar nege jynysyn aýytyrýǵa qumar bolyp barady?  Sebep bireý. Úıdegi tárbıe. Kez-kelgen áke óz ulyn naǵyz jigit qylyp tárbıeleıtin bolsa osyndaı soraqylyqtar kishkene de bolsa azaıatyn edi.

Daıyndaǵan: Óteshova Ásel