"Aq jol" fraksıasy BJZQ qarjysyn qıyndyqqa urynǵan Ázirbaıjan bankine salǵandardy jazaǵa tartýdy usyndy, - dep habarlaıdy Qamshy aqparattyq agenttigi Tengrinews.kz basylymyna silteme jasap.
"Aq jol" fraksıasynyń múshesi Azat Perýashev Ulttyq bank basshysy Danıar Aqyshevqa joldaǵan saýalynda, partıaǵa táýelsiz sarapshy Rahym Oshaqbaev habarlasyp, BJZQ qarjysyna quny 78 mıllıon teńge bolatyn Halyqaralyq Ázirbaıjan bankiniń oblıgasıalary satyp alynǵanyn aıtqan. Perýashev "Qazınvestbanktiń" jumys isteý ruqsatynyń aıyrylýyna baılanysty BJZQ-nyń úsh mıllıard teńgesine qatysty da saýal joldaǵanyn eske saldy.
"Osyndaı jolmen BJZQ basshylyǵy KASE-de bes mıllıardqa shyqqan jeri belgisiz qaýipti qundy qaǵaz satyp aldy. Bul mysaldar azamattardyń zeınetaqy jınaǵyn jaýapsyz paıdalanyp, jelge ushyryp jatqandyǵyn kórsetedi. Ulttyq bank BJZQ-nyń basty mindeti ınvestısıa emes, senip tapsyrylǵan qarjyny saqtaý ekenin aıtqan. Al endi ne bolyp jatyr?", - deıdi Perýashev.
Perýashev 2014 jyly BJZQ Halyqaralyq ÁZirbaıjan bankine qarjy quıatyn kezde "Halyq bank" basshylyǵy sheteldik bnktiń jaǵdaıy senimsiz dep baǵalap, óz qarjysyn shyǵaryp alǵanyn eske saldy.
"BJZQ nege kerisinshe ketti? Bul basshylyqtyń biliksizdiginen boldy ma, álde, basqa sebep bar ma? Onyń ústine, BJZQ áli de qarjysyn senimsiz bankterde saqtap keledi jáne qarjynyń eń úlken bóligin. 2016 jyly tómen V reıtıńindegi 161 mıllıard teńge depozıt quıylǵan, al reıtıńi eń joǵary bankterde - 79 mıllıard, ıaǵnı, eki ese tómen. Al esh reıtıńi joq bankterdiń qundy qaǵazdaryna 61 mıllıard teńge salynǵan, al eń joǵary AAA reıtıńi bar bankterde - 983 mıllıon, ıaǵnı, 65 ese tómen", - dep qosa aıtty ol.
"Qarjyny bile tura qaýipke tigip, durys ekonomıkaǵa salmaıtyn bul qandaı ınvestısıalyq saıasat? Másele Ázirbaıjan bankinde ǵana emes. Bul bizdiń azamattardyń aqshasyn jelge ushyrý. Jeke bızneste mundaı menedjerdi basshylyq qasaqana bankrottyqqa jetkizgeni úshin baıaǵyda túrmege qamaıtyn edi", - dep atap ótti depýtat.
Perýashev BJZQ qarjysyn tekseris júrgizip, qaýipti bankterdiń ornyna ulttyq ekonomıkaǵa quıýdy usyndy.
"Halyq komýnıseri" fraksıasynyń ókili Aıqyn Qońyrov úkimet basshysy men Ulttyq bank basshysyna saýal joldady.
