23 mamyrdan  bastap,  «Qazaqstan» Ulttyq telearnasynan «Qyzyl alma» atty telehıkaıa efırge jol tartady dep habarlaıdy Qamshy aqparattyq agenttigi.   «Qyzyl alma» telehıkaıasynyń alǵashqy kórsetilimi  seısenbi kúni 21:45-te bastalady.

       Bul týyndy qazirgi qoǵamda, ásirese áleýmettik ortada jıi kezdesetin adamdar arasyndaǵy  qarama-qaıshylyqtar, bir-birine degen jyly sezimderi men senimderiniń joǵalýy, satqyndyq, ata-ana men baýyrǵa degen qurmettiń tómen deńgeıge túsip ketkendigi jaıyndaǵy taqyryptar qozǵalady.

        Oqıǵa jelisi boıynsha, týǵan aǵasy Birjannan qapyda aırylyp qalǵan Rústem, burynǵy qazaqtyń salty boıynsha ámeńgerlikti qolǵa alyp, jeńgesine úılenedi. Rústemge dúnıeden erte ótken ákesiniń sheberlik óneri daryǵan eken. Osy kásibi arqyly, nanyn taýyp, kúnin kórip júrgen azamat. Onyń qolynan shyqqan sandyqtary qoloner týyndysyndaı kórkem bolǵanymen, januıasynyń aýqatty ómir súrýine jete bermeıdi.  

       Bul telehıkaıadaǵy keıipkerlerdiń jan  kúızelisi, ómir ótkelderiniń san qıly synaqtary kórermendi beı-jaı qaldyrmaıtyny anyq. Eń bastysy, qandaı da qıynshylyqtarǵa qaramastan, otbasyn saqtap qalý, qazirgi tańda aktýaldy taqyryptyń biri ekeni sózsiz.